MIZO MIZONA HUMHALH

Khawvel hmun danga awm lo Uchang Tam Dil-ah hmu chhuak

25/03/2010 15:21

uchang_thar

Khawvel hmun danga la hmuh ngai loh uchang chi thar (new species) chu Tam Dilah hmuh chhuah a ni a; hei hi khawvel pum huapa hetiang chanchin ziakna, 'Zootaxa'chuan March 23, 2010 khan khawvel hriatah an puangzar tawh a ni.

Mizoram University, Department of Zoology-a Asst. Professor HT Lalremsanga; Saipari Sailo, Research Scholar, Department of Zoology, NEHU leh an thawhpuite chuan ngun taka Tam Dil leh a chhehvela nungchate leh thlaite kum 10 dawn an zir chian hnuah uchang species thar hi an hmuchhuak a, a hmingah Tam Dil hming chawiin 'Leptolalax Tamdil' tiin an vuah.

He an thil hmuh chhuah hi a danglamnate an zir chian hnuah hetiang lam chanchin ziaktu zinga khawvela rintlak ber pawla ngaih, peered review international scientific journal, Zootaxa-ah an thawn a, anni hian pawmpuiin an lo chhuah (published) ta a ni.

HT Lalremsanga chuan, "Tam Dil hi Ministry of Environment-in India rama National Wetland Area 94 zinga a dah ve ni mah se, ram pawnlam atanga rawn tlawh thintu mithiamte beisei a pha lo thin hle a; amaherawhchu he kan thil hai chhuah avang hian tun atang chuan mithiamte pawhin Tam Dil hi an ngai pawimawh sawt ngei ang," a ti.

Tuna an uchang hmuh chhuah ang tak hi khawvel hmun dangah an la hmu lo tih a sawi rualin, hetiang ang deuh chi Leptolalax species-te hi Southeast Asia hmun dangah chuan hmuh tur an awm tih Lalremsanga chuan a sawi. Remsanga chuan, "He kan uchang species hmuh chhuah pawimawh tak hi Department of Zoology, MZU leh NEHU, Arya Vidyapeeth College leh Division of Herpetology, Aaranyak, Guwahati leh University of Malaysia te thawhhona rah liau liau a ni. Tin, specimen collection permission min petu Mizoram sorkara Environment and Forest department, chungah kan lawm takzet a ni” a ti.

Remsanga chuan uchang danglam bik pakhat an hmuh hian an phûr hle a, a dang hmuh belh tur zawngin an awm theihna tura an rin kilometre hnih vel chhunga lung chu an phawk chhuak deuh vek niin a sawi.

Saipari Sailo chuan “Mizoramah hian nungcha leh thlai pawimawh tak tak an awm teuh tih kan hria a, theihtawp chhuahin kan zirchiang zel dawn a. Kan ram rohlu ramngaw kan tih chereu zel avangin, pawisain a lei phak loh nung tinreng (biodiversity) a ni telin an boral zel a. Kan ram a chêng ve tura Pathianin a siam nungchate leh thlaite an hlutna hrechiang a, humhalh tlat turin Mizo mipuite’n tan kan lak a hun tawh takzet a ni” a ti bawk.

Thulakna: Vanglaini

Comments

No comments found.
 

Contact

Search site

 

 

 

 

                  NGAIHDAN

 

    

     Ngotekherh         Puanchei

   

        Puandum           Hmaram

 

 

 

           THU KAM HNIH KHAT


ShoutMix chat widget

 

 

                TLAWHTUTE


counter globe

 

 

  MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E