Pa Pakhat Ram Riak

02/12/2010 23:32

Buh seng lai a ni a, pa pakhat hi buh seng an tul em avangin ramah amah chauhvin a riak a. Thlama amah chauhva a awm karh karh lai chuan Ramhuai ho an lo kal a, rawn man an tum ta mai a. A hlau chu a tlan chhuak vat a, zamzo buk phenah a biru a, ramhuai ho chuan an zawng chiam a, an hmu mai lo va.

Zamzo par sen chuan, “Heta hi a awm e,” a lo ti a. Ramhuai ho chuan zamzo par sen awmna hmun chu an en a, ani chu zamzo par eng buk phenah a biru tlat a. Zamzo par eng chuan ramhuai ho mitah a enkhalh tlat avangin an hmu thei lo va. Ramhuai ho beidawng chu thlam chhungah chuan an lut leh ta dial a.

Zamzo par sen chuan, “Heta hi a awm e,” a ti leh thin a. Zamzo par eng chuan, “Mawi a dawt,“ a lo ti thin a. Zamzo par senin “Heta hi a awm e,” a tih fo avang chuan Ramhuai ho chuan zamzo awmna hmun chu an han en vel thin a. Zamzo par eng chuan, “Mawi a dawt,” ti chungin ramhuai ho chu an mitah a lo en khalh zel a. Ramhuai ho chu an beidawng ta a, an lo kalna hnu lamah bawk an kir leh ta dial dial a. Chuta tang chuan thlam bulah ‘Ramhuai ho laka invent nan zamzo an ching ta ziah e,’ an tia lawm.

Thulakna: Mizo Thawnthu Vol II by Lalhmachhuana Zofa

Back