MIZO MIZONA HUMHALH

Ruahpui karah Mizo film 'Khawnglung Run' shooting kalpui zel

09/06/2010 03:54

Mizo film siam tawha la hautak ber tura ngaih 'Khawnglung Run' chu Leitlang Pictures hmalaknain may 21 atang khan shoot tan a ni a. An riahna hmun hi thli leh ruah natna hmun; Darkhuang tlang chhip a ni a,

Lunglei atanga 5kms a hla Kawmzawl hmuna awm a ni. Helai hmunah hian hmanlai mizo khua angin In an sa chawp tawp mai a ni.

He khuaah hian in sawmthum vel sak (chawp) a ni a In sak te hi khua an run leh hunah halral leh vek tura tih a ni. Tuntuma a changtu te hi Lunglei  chauh ni tawh lovin Aizawl, Serchhip leh hmun dang atangin an awm nual bawk. Aizawl leh hmun danga mite hi NSD lama training chhuakte an  ni. He film ah hian zaithiam lar tak tak te pawh an chang nual a. He film hi 1854 bawr vel a Pawi Ral-in Khawnglung khua an run chanchin behchhana siam a ni a hetah hian nula leh tlangval inngaizawng Chala leh Thangi chanchin zeh tel a ni bawk..  

He film hi mizo film awm tawhah chuan technically a la advance ber tura ngaih a ni a, high definition 24p format a shoot a ni a, nakina celluloid a leh duh hunah pawh celluloid film format mila shoot a ni.

He Project a sum insenso zat tur ruahman chu cheng nuai sarih vel a ni bawk. Khawchhia leh thlipui karah pawh shooting hi Director Mapuia kaihhruaina hnuaiah ngawrh taka kalpui mek a ni a, shooting set atana khua an sakna hmun thleng hian motor a luh theih loh avangin hnathawh leh bungraw thiar vel a hautak hle a ni. Mi 22 riaklut nghalin, tunah phei chuan mi 50 vel lai an riah luh tawh avangin ei leh in pawh a hautak hle. Chubakah he tlangah hian tui a awmloh avangin PHE Department in tui supply dan a ngaihtuah sak a, chubakah Lunglei DC in shooting camp a hman atan silpaulin engemawzat bakah DCSO atangin an mamawh hrang hrang pek an ni a.

Mizo hnamzia pholanna film anih avangin Art & Culture department atang pawhin hmanraw engemawzat hawh a ni a. Hei bakah hian mimal tlawmngai tamtak hnen atangin hmanlai silai, sa lu leh bungrua dang hawh a ni bawk. June thla chhunga shoot zawh hman beisei  a ni bawk.

Thulakna: Ralvengtu

Comments

Date 22/08/2012
By zonuna
Subject zawhna

he film hautak mai a in han siam chhuak thei hi a ropui ka ti khawp mai..cd hian hralh chhuah in tum em le?

Date 23/05/2012
By roselyn
Subject hey guys !

he flim n a chak om hle mai a,release a nih toh cuan download phal ani em? youtube ah hian kan lo hmu a en kan chak khop mai ,

Date 28/11/2011
By tetea
Subject hehe

en a va chakawm to ve le

Date 13/11/2010
By tom
Subject Minhrilh thei em???

Khi lai Camera men zinga mipakhat khi Adelaide a Pu David Mawia ani em?????

Date 23/06/2010
By Tluanga
Subject Lawmthu

Mizo film thar en tur a awm dawn tawh hi a lawmawm ani... tin, camera men te zingah Adelaide lama Pu. David Mawia pawh a tel ve e lo???

Date 09/06/2010
By mizolani
Subject mizo tuithiang nge2

wow!Zotui thaing hian khawvel & zofate khawvel c.c min hlui hneh ber mai!fel topsssssssssssssss!!!!!!!!

Date 09/06/2010
By Lawmthanga Ralte
Subject Hello

'Khawnglung Run' film chu en a va chakawm tawh ve...Mapuia hi directing lamah chuan sang tak a ni...ka en chak tawh kher mai.

 

Contact

Search site

 

 

 

 

                  NGAIHDAN

 

    

     Ngotekherh         Puanchei

   

        Puandum           Hmaram

 

 

 

           THU KAM HNIH KHAT


ShoutMix chat widget

 

 

                TLAWHTUTE


counter globe

 

 

  MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

Free website Webnode

MizoMizo Kan Nih Kan Lawm E