MIZO MIZONA HUMHALH

Phekpui>2011 Kum Tawpah Khawvel Mihring Tluklehdingawn 1-in Ei leh In Tha Khamkhawp Hmu Zo Dawn Lo

2011 Kum Tawpah Khawvel Mihring Tluklehdingawn 1-in Ei leh In Tha Khamkhawp Hmu Zo Dawn Lo

16/02/2011 22:48

Ni 15 February 2011, Thawhlehni khan World Bank president Robert Zoellick-a chuan tunlaia thil man sang chho zel chuan mi harsa maktaduai 44 (44 millions) siam belhin, mihring taksa-in loh theih loha a mamawh ei leh in tha khamkhawp hmu lo (chronic hunger) an pung zel thu a sawi. Tin, hetiang zela khawvel thil man a san chhoh zel chuan kumin (2011) kum tawp lamah khawvela mihring taksa-in loh theih loha a mamawh ei leh in khamkhawp hmu lo (chronic hunger) zat chu tluklehdingawn (1 billion) a tlin ngei a rin thu, Robert Zoellick-a hian a sawi tel bawk.

UN-in a chhinchhiah danin kum 2010 khan khawvelah ei leh in tha khamkhawp hmu zo lo mihring maktaduai 925 (925 millions) an awm a ni. Kum 2011-ah tluklehdingawn 1 (1 billion) a tlin chuan, khawvel mihring mi 6 zelah mi 1 zelin ei-in tha khamkhawp an hmu zo lo tihna ang a ni ang!

Khawvel hi a changkangin a ropui tual tual emaw kan tih lai hian, thil man a sang tual tual a, rethei leh hausa inkar a zau tual tual a, mi rethei an pung tual tual si a ni! UN-in ei-in tha khamkhawp hmu zo lo mihring a chhiar zingah hian Mizo engzat tak tel ang maw?

Back