Bumtu Vervek

Khawvelah hian mi bum tura piang hrim hrim hi tlem azawng an awm a. Hengho hian mahni inring tawk takin thiam takin mi an bum a, man chhuah zingah chuan Count Victor Lustig-a te ang kha mi bum lama mi hrat khawkheng chu an ni ngei mai. He pa hian Paris khawpui mawitu ber Eiffel Tower hi vawi hnih a hralh thei nia! Anni ang deuh bawk hian New York khawpuia hmun hmingthang tam tak khu thehthang an lo awm ve mek bawk a ni.

Kum 1980 chhova German chhuak pop vocal duo Fab Morvan leh Rob Pilatus, Milli Vanilli tia hriat bawk ten khawvel an bum dan erawh hi chu a dangdai ve riau asin. He mite pahnih hian kum 1988 vel atang khan rimawi lamah khawvel an rawn al chho ta a,kum 1990 ah rimawia chawimawina ngaihhlut ber Grammy Award-ah Best New Artist an dawng a. An lar chhoh vanglai tak hian MTV-in a buatsaih Lake Compounce theme park, Connecticut-a neihah "Girl You Know It's True" tih hla an rawn thawh chhuahpui ve a. He hemi tum hian an re- cording hla leh an live performance inthlau lutuk chuan mi mak tih a hlawh hle a, a zai chhe lutuk chu an han chhui chiang ta a, Milli Vanilli-a hi a lo zaithiam aw zawng lo mai hi a lo ni a. Recording-a aw hi zaithiam Frank Farian leh midang aw an lo hmang a, an pahnih hian an lo zai miah lo tih hmuh chhuah a ni.

Hei vang hian Grammy Award pawh hi chhuhsak leh an ni a, dawt hmanga inbum chungchangah an pahnih mai bakah an recording label Arista Records chu thubuai 26 awrhtir an ni a. Zaithiam lem pahnihte hi kum 10 hnu, kum1998 khan Palitus-a hi Frankfrut Hotel-ah over dose vangin a boral a, khawvel zaithiam zingah chuan a tlachhe rang ber a ni hial awm e!

Thulakna: YMA Palai, Vengthlang Branch , Champhai - Vol XX No.4