MIZO MIZONA HUMHALH

Phekpui>Burma Ram Chin Mipui 90% Aia Tamin Mihring Dikna Chanvo Kalh Tihduhdahna An Tuar : PHR

Burma Ram Chin Mipui 90% Aia Tamin Mihring Dikna Chanvo Kalh Tihduhdahna An Tuar : PHR

20/01/2011 15:36

Ni 19 January 2011, Geneva, Switzerland : America-a hmunpui nei Phisicians for Human Rights (PHR ) report chuan, Burma ram Chin mipui 92 % dawn dawnin mihring dikna chanvo nen inkalh sorkar tihduhdahna an tawrh thu a tanglang!

PHR-in Burma ram Chin State zirchianna a neih hnua a siam report - “Life Under the Junta: Evidence of Crimes Against Humanity in Burma’s Chin State (https://burma.phrblog.org/report )” hi Chin mipuiten tihduhdah an tawrh dan zirchianna atanga report hmasa ber a ni.

Phisicians for Human Rights CEO Frank Donaghue-a chuan, “Burma ram sipai sorkar-in hnam tenau zawkte a chunga dik lo taka a chet dan hi khawvelin a hria a, nimahsela, zirchianna tak tak leh tanpui tura thawhna tak tak a la awm lo a ni,” a ti. Tin, He’ng mihring dikna chanvo kalh, dik lo taka intihduhdahna hi International Criminal Court (ICC) dan kalh a nih thu leh hremna pawh tihchhuah theih a nih thu sawi lan a ni bawk.

PHR-in Chin State-a awm khaw 9-ah, chhungkaw 621 leh midangte a zawh/ kawmna atangin hre report hi siam a ni. An kawm leh zawh zinga mi 92% dawn dawn chuan kum khat chhungin sokar thuneituten a tlem berah vawi khat hna an thawh luihtir thu an sawi. A lo berah chhungkaw member pakhat chu sipai mamawh chakkhai, sipai chenna in leh kawng siam hna thawh luihtir thin an nih thu hmuhchhuah a ni. Tin, heng bakah hian, sakhua avanga tihduhdahna, invuak, inthah, inrukbo, hmeichhiate pawngsual leh tihduhdahna hrang hrang an tawrhnate pawh hmuhchhuah a ni.

Back

Comments

Date	30/01/2011
By	Billy Aiya
Subject	Kan ram hi chhuahsan vat ka duh........

Kan ram hi chhuahsan vat ka duh, a chhan chu,Kum 18-35 inkar sipaia lak luih an tuma,A then chu an tlan chhuak tan tawh..Hei sorkar-in ''DAWT VEK"" an tileh ngei anga,Mahse awi miah suh ang che u..Ramdangte an bum kual , an bum kual che u a nih hi..America hian- he sorkar hi rawn paihthla vat se ka va ti em! Hrehawm kan ti ngawih2..