Carlos Slim-a'n Bill Gates-a Khum Lehin Khawvel Mi Hausa Ber Nihna Hauh

10/03/2011 23:29

Forbe Magazine(Website-https://www.forbes.com/)–in khawvel mihausa chungchuang (billionaires) list thar a tarlan danin, Mexoco ram mi Carlos Slim-a chu a neihzat $20.5bn (£12.65bn) atang $74bn zet a tling chho a, $56bn-a hausa U.S. Bill Gates-a chu khum lehin khawvel mi hausa ber nihna a hauh leh ta a ni.

Forbe list-ah hian mi hausa tawntaw billion chuang nei (billionaires) 1,210 an chuang a, chu’ng zingah chuan khawvel economy lian ber neitu U.S. mi 413 telin, khawvela mi hausa tawntaw awm tamna ber ram a ni.

Asia-ah mi hausa tawntaw billion chuang nei 332 awmin, mi 300 awmna Europe chu a khum ta a ni. China-ah mi 115 an awm a, Russia-ah mi 101 an awm.

Russia khawpui Moscow-ah mi hausa tawntaw 79 an awmin, Moscow chu khawlvel mi hausa tawntaw kawl hnem ber khawpui, khawvel khawpui manto ber a ni. Russia chu Europe khawmual ram zinga mi hausa tawntaw awm tamna ber a ni bawk. United Kingdom-ah mi 32 an awm a, nikum aiin mi 3-in an pung.

Khawvel Mi Hausa Chungchuang 10 (Top 10 Billionaires)
Hming	Hausakna	Hna(Business)
*Source: Forbes magazine*
Carlos Slim	$74bn	America Movil, telecoms
Bill Gates	$56bn	Microsoft, software
Warren Buffett	$50bn	Berkshire Hathaway, investment
Bernard Arnault	$41bn	LVMH, luxury goods
Larry Ellison	$39.5bn	Oracle, software
Lakshmi Mittal	$31.1bn	ArcelorMittal, steel
Amancio Ortega	$31bn	Zara, fashion
Eike Batista	$30bn	Mining, oil
Mukesh Ambani	$27bn	Reliance Industries, Petrochemicals to oil
Christy Walton	$26.5bn	Wal-Mart, retail