Subject + Verb + Object + Past Participle (Adjective)
Tu emaw/ eng emaw vanga tu emaw/ eng emaw chunga thil thleng sawi nan ‘Causative Verb’ hi hman thin a ni. He tawng kalphungah hian ‘Verb 3’ kan tih mai thin ‘Past Participle (entirnan: go=simple present=verb1, went=simple past=verb2, gone=past participle=verb3, going=present participle=verb4=verb -ing)’ hi hming sawifiahtu (Adjective) anga hman a ni. Tin, he tawngkamah hian ‘have, get,’ hi ‘Verb’ atana hman tam ber a ni.
English - I had my hair cut yesterday.
Mizo – Nimin khan lu ka met.
Hei hian a sawi tum chu ‘lu mettu-in a lu a meh sak’ a ni. Amahin a met lo. Amah ngeiin sakawrbakcheh vuan a, a sam a chep chhum a, a lu a met a nih chuan, heti hian a sawi ang:-
“I cut my hair yesterday.”
Entirna dang lo tarlang leh ta ila:-
English – I got my clothes washed.
Mizo – Ka thawmhnaw ka su.
Heta ‘ka su’ tih hian ama kut ngeia suk ni lovin, midang/ thil dang suk sak a kawk. Amah ngeiin a thawnhnawte chu nuai a, a tleuh a, a suk chuan hetiang hian a sawi ang.
“I washed my my clothes.”
1. I had my room painted. (Ka mi rawihten ka pindan hlo min hnawih sak.)
· I painted my room. (Keimah ngeiin ka pindan hlo ka hnawih.)
2. Can I have my tooth pulled out. (Ka ha ka thlawn thei ang em? * Hei hi tu emaw hnena thlawn sak tura ngenna tawngkam a ni.)
· Can I pull out my tooth. (Ka ha ka thlawn thei ang em? * Hei hi cu mahni ngeia thlawn tumna)
3. You must get your watch repaired. (I sana siam a tul. I sana siamtir rawh.)
4. I had my arm wounded. (Ka kut ka hliam. Eng emaw/ Tu emawin ka kut a ti-na.)
5. She had her hair dyed. (A sam a ti-sen/ rawng a ti danglam. Mi a tihtir a ni.)
‘Have’ leh ‘Get’ Hmanna
‘Have’ chu ‘tuar, tawk, dawh, nei’ sawi nan hman a ni a. ‘Get’ chu ‘vawng, kawl, vuan, chelh’ lam hawi sawn nan hman a ni.
Ngaihtuah chhunzawm theite tan
‘Causative Verb’ hi ‘Passive Meaning’ kawka hman a ni. He’ng a hnuaia entirna pathumte hi a chhan a inang a, tawngkam hman dan a dang mai a ni.
· I had my hair cut. (Lu ka met.)
· The barber cut my hair. (Lu-mettu in ka lu a met.)
· My hair was cut by the barber. (Ka lu chu lu-mettu in a met.)