CHERAW-A LAM TUR INPE MI 10,400 TLING TAWH

10/02/2010 07:12

MIZO AW:Bamboo Dance a Guiness World Record siam tura Sub-Committee hrang hrang hotute chu nimina Pi B. Sairengpuii, Secretary, Art & Culture Department leh Organising Committee-a Secretary ni bawk hova ama pisaa inkhawm chuan World Record siam tura inpuahchahna hrang hrangte an thlirho.

Hetah hian Guiness World Records, London nena indawr tura Mizoram sawrkar-in a a rawih, Shillong a inkhuar Cultural Pursuits hotupa Pu James Perry pawh a tel a. Pu Perry hian inbuatsaihna atana tul leh mamawh tur hrang hrangte a sawifiah a, inbuatsaihna kal mek nen a inmil tlangpui.

He cheraw kan runpuiah hian tel tum in report an thahnem tawh hle a, tunah hian cheraw bu 615 inziaklut an awm tawh a, tel tura inziaklut tawh hi a lu nungin 10,400 an tling tawh a ni.

Back

Comments

Date	10/02/2010
By	Hmingtea
Subject	Cheraw a ni tawp

Bamboo Dance kan nei lo.Cheraw a ni tawp.Cheraw hi kan lam ngai lo.Kan ka thin.

Date	10/02/2010
By	Patiphelhphawlha
Subject	THE ZOZAM TIMES (Chhiar Belh Duh Tan)World Record siam tum zingah school thahnem

World Record siam tum zingah school thahnem

Cheraw kan hmanga World Record siam tum mekah nimin thleng khan Cheraw bu 615 an inziak lut tawh a, heng zingah hian YMA aiin School inziak lut an tam zawk a ni.

Inziak lut zingah school 139 awmin YMA branch 120 an awm a, cultural club 22 an awm bawk. Mizoram University, ICFAI University, Govt. Hrangbana College leh Govt T. Romana college te bakah, Vohbik leh pawl hrang hrang 16 an inziak lut tawh bawk. Tuna dinhmuna inziak lut tawh zawng zawngte hi a lu nunga chhiarin mi 10400 an tling tawh a, tel tura in report tawh zingah eng pawl leh school mah hnawl an la awm lo a ni.

St. Pauls Higher Secondary School chuan Cheraw bu 30 kan turin an inziak lut tawh a, school zingah chuan an la tam ber rih. Venghlui Branch YMA chuan Cheraw bu 19 kan tumin an in report tawh bawk.

Art & Culture department chuan he huna tel tum zingah mahni thawmhnaw hak tur la in report lote chu February ni 12-ah an office-ah in hriattir turin an ngen a, Cheraw kan khawngtu mipate chuan a remchan chuan Khumbeu khum theuh se an duh tih an tar lang bawk.

Date	10/02/2010
By	Tluanga (Australia)
Subject	tha lu tuks!!!!

Guiness World Records ah hian mizo te hi lanna kan nei pawhin ka hre lova (ka hriat loh vang te pawh ani mah na!!) he tianga kan Cheraw lam tih lan hi ka lawm zawng tak a ni. Hei chauh lo pawh a tam thei ang berin kan culture te pawh tih lan theih ni se. Hma la tuten tha tharin tan la zel ang cheu.