CHIN NATIONAL DAY IN MALAYSIA-AH MIZO CHERAW

20/02/2010 16:35

-Mahlimtea, Malaysia

Ni 20 February 2010: The 62th Chin National Day chu Wisma FGA,Old Klag Road , Kuchai Lama - Kuala Lumpur ah tluang takin kan hmang.Zing dar 10 - ah Programme hmasa kan tan a.Mipui 600 vel kan kal khawm thei.Hun hmasa lamah hian Chin National Front hnen atanga thuchhuak lehkha chhiarchhuah te,Alliance of Chin Refugees chibai bukna te,Mara People ?? (MPP) chibai bukna te,Dai Community Malaysia (DCM) chibai bukna,sermon...adt. kan ngaithla.Chi peng hrang hrang atang chibai bukna lehkha tinah hian Burma sorkar duhlohna leh 2010 inthlanpui lo awm tur pawm lohna a tel deuh vek.

Hun hnihna zawk chu dar 12:15-ah tan leh a ni.Hun hnuhnung zawkah hian Mizo hnahthlak hnam lam chi hrang hrang entirna neih a ni a.Mizo Community chuan Cheraw Kan an entir.He hnam lam entirna hunah hian,a hmasa berah Mizo lanu valrual ten Cheraw an kan heih heih a,kut beng thawm a ring a,mipui lawm a hlawh hle.A background atan Mizote rilru-a eng emaw ti taka thusawi em em - Lianchhiari Lunglen Tlang lem hman a ni.

Chuti chuan tlai lam dar 2:30-ah Mipui zawng zawng dingin ban hla - "Kan Zotlang Ram Nuam" phur takin kan sa a,malsawmnain kan hun chu tih tawp a ni.