MIZO MIZONA HUMHALH

Intawn Hma Hmangaihna (Love Before First Sight)

07/05/2010 22:07

'Love At First Sight '(Tawhtirh Hmangaihna) a awm theih tak tak leh tak tak loh chungchangah miten ngaihdan fumfe tak  siam harsa an tih lai a,'Love Before First Sight' (Intawn Hma Hmangaihna) lam lam lo khukpui chu thil atthlak angah a lang mai thei? Mahse, kei chuan a awm theih ka ring nghet tlat thung.He ka ngaihdan avang hian mi thenkhat chuan 'Hmangaihna' ti-da-zat angah min ngai a ni mai thei e; englekhawle,mihringte hi kan lentlak a rual vek thei lo a nih hi !

Internet kaltlang hian thian (Online Friends) ka nei ve nual hlawm a.Chu'ng ka thiante nen chuan hmaichhawnin inkawm lo mah ila,Internet kaltlangin kan inkawm a,kan titi thin.Chu'ngho zingah chuan - 12.10.08 khan Muantei , a awmna Mandalay atang khua a rawn haw zawk tum khan kan inhmu a.Kan han inkawm alawm - ka rin ang tak takin kawm a lo nuam ngei mai.Satawm Thingpuidawr-ah kan titi a,kan vawi khat inhmuhna a ni bawk a,sawi tur kan ngah dunin titi tur kan hre hnem hle.Online-ah lo inkawm fo kan nih avangin kan rilru a inpawhtawn ngei mai.

Dingtei,Thailand-a lehkha a zir lai khan , Online-ah kan intawng ve fo a."Tunge i nih?" tih atanga intanin kan han inkawm chho a,kan innel ta em em mai a.A hnuah - TIT Fun Fete ,2008 khan Thingpuidawr-ah kan inhmu leh hlauh mai a.Yangon-a ka awm lai khan kan titi dun fo bawk a.Amah ka hmuh hmaa ka lo rin lawk ang ngeiin kawm a nuam ngei mai.

Mandalay-a ka cham chhung khan Zualtei nen kan inhmu a."Nangmah hi maw Lalchhanhima" tih atang tanin kan inkawm a,inkawm hun nei rei lo hle mah ila, kan hun neih chhun chu awl hlek lovin, tawng hunin a luahkhat a nih kha! Ani nen hian Online-a kan inkawm chang hian kan infiam nasa-in,kan rilru pawh a inpawh hle thin reng a.

Singapore-a ka cham chhung khan ka thlenna Hostel-ah ka hriat ngai loh,amah erawh chuan min hre em em nen kan inhmu a.Min rawn chibai a.Min nel nghal em em ringawt mai a.Tichuan fiamthu te ka han thawhpui a,kan inmil phian! Min hmuh hma atanga min lo rin lawk dan ang ngeiin kawm nuam min tih ve ngei ka ring.

Malaysia ka thlen hnu hian an hming ka hriat em em,a taka ka la hmuh ngai hauh lohte nen te kan han inhmu a.An chanchin leh an hming ka hriat atanga ka rin lawk dan nen a inmil thei fu.

2007-a Revd Chuauthuama Tahan a rawn zin khan  a thusawi te ka ngaithla a,amah kawmna kan neih a,a chezia leh a awmdan vel te ka hmuh khan,a thuziak ka chhiar a,a chanchin ka hriat atanga ka lo rin lawk ang tak tak hi a lo ni a.

Ka tleirawl chhuah hlim vel khan ngaihzawng tlem azawng ka lo nei ve nual tawh thin a.Chu'ngho nena hmangaihna hrui kan vawn dun dan vel te,kan rilru inpawh dan velte ka ngaihtuah let thin .Tichuan , rualpawl rual ka lo nih hnua thian ka chhar dan te,an lehkha ka chhiar atang emaw,an chanchin ka hriat atang emawa ka lo nel em em  ve rikngawt -te ,thianten an thiante chanchin min hrilh fo a, hmel ngei inhmuh nhu-a thian kan lo nih tak dan te, thiante thian lehchhawngte nen thian kan lo nih tak dan velte kha ka ngaihtuah fo thin.

Hetiang ka ngaihtuah  atang hian ti hian ngaihtuahna ka siam chhuak ta a,a awm/nih thieh ka ring hmiah ta.Heti hian- "Sial rangin sial rang a hring " a,"Sunhlu kungah thei dang a rah ngai lo" tak tak a,"Kawi pawh a kung a that chuan a rah a tha " tak tak a,"Pan lovah tho a fu ngai lo(There's no smoke without fire) " tak tak a nih chuan,"LOVE Before First Sight (Intawh Hma Hmangaihna) " hi a lo awm thei ngei dawn a nih hi, tiin...

Comments

Date 14/07/2011
By Thuama
Subject Love

Love before sight a awm ve ringlo tu
Rose Malsawmi nen hian, vawikhat mah kanla inmu ve ngailo nachung in ka hmangaih tlat ania.

Date 25/04/2011
By jerome
Subject love b4

love b4 1st sight chu ka ring chiah lo, mahse LIKE b4 first sight chu ka ring tho.

Date 01/06/2010
By rose malsawmi
Subject love

love before sight chu a awm ka ring lo e mahse "vei" before sight chu a awm tih ka chiang..love at first sight chu a awm thei tih ka chiang tlat.

Date 07/05/2010
By awmithomte
Subject love

love before first sight hi a awm ngei aniang, ka hmelhriat net kaltlanga in 'love' inneih ta sawitur ka hre tlat:)

 

Contact

Search site

 

 

 

 

                  NGAIHDAN

 

    

     Ngotekherh         Puanchei

   

        Puandum           Hmaram

 

 

 

           THU KAM HNIH KHAT


ShoutMix chat widget

 

 

                TLAWHTUTE


counter globe

 

 

  MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E