Interplast Doctor ten mi 100 chuang zai : Central YMA-in doctor-te ‘Thangchhuah Kawr’ hlân
22/02/2010 00:00
Tun tuma lokal Dr.Orwin Joch, Plastic Surgeon leh Dr.Fabrus Borner, Aneasthesiologist te hi Mizoram-a German Interplast Doctor ten Plastic Surgery vawi 10 an neiha la kal kim vek an ni. Hmui kak leh vun lam pianto fuhlo te an zai deuh ber a, kum 10 an lokal tawh chhung hian mi 1,000 chuang zet an zai hman a, an lo kalna leh hawna senso bakah hmanrua engemawzat an intum thin bawk.
THE ZOZAM TIMES : Mizoram-a plastic surgery camp neia lokal German Interplast doctor pahnihte chuan Inrinni khan Aizawl chhuahsanin Germany lam panin an haw leh ta. Aizawl-a an cham chhung hian Presbyterian Hospital, Durtlang-ah mi 95 zaiin, Saitual-ah mi 19, an vaiin mi 114 an zai a ni.
German Interplast doctor te hi an kum lam a upat deuh tak avangin Mizoram-ah lo chuan chhuah an inbeisei tawh vak lo a, hei vang hian Central YMA chuan kumina doctor pahnih lokalte hi Zirtawpni zan khan Kulikawn YMA Hall-ah thlahna inkhawm leh lawmthu sawina inkhawm buatsaihin, nghaihhrui nan Thangchhuah Kawr leh Mizo Puanchei an hlân.
Tun tuma lokal Dr.Orwin Joch, Plastic Surgeon leh Dr.Fabrus Borner, Aneasthesiologist te hi Mizoram-a German Interplast Doctor ten Plastic Surgery vawi 10 an neiha la kal kim vek an ni. Hmui kak leh vun lam pianto fuhlo te an zai deuh ber a, kum 10 an lokal tawh chhung hian mi 1,000 chuang zet an zai hman a, an lo kalna leh hawna senso bakah hmanrua engemawzat an intum thin bawk.
Thlahna inkhawm-ah hian Central YMA President Lal Chungnunga’n lawmna thu a sawi a, Presbyterian Hospital Director, Dr.Lalremthanga leh Interplast Doctor-te hian thu an sawi bawk a ni.
Comments
No comments found.
Contact
Search site
NGAIHDAN
Ngotekherh Puanchei
Puandum Hmaram
THU KAM HNIH KHAT
TLAWHTUTE
MIZO LEH ENGLISH THUFIAHNA
