Ka Engkim I Ni
“Riang ka vai nge, vaih ka rel zawk?”
Ti-a suihlung ar ang a vaih laiin,
Ngaiin ka au lawm lawm thin che;
Thinlai rilah rial ang i dai ngai lo,
Ka ngai ber che, ka nu!
‘Nu’ tia i hmangaihna tang belh hne hne,
Ka chen khawp lul lo asin, ka chun nunnem;
I anka thlum-nem dam diai mai nen,
Dawi ang dawma i mi enkawlna zawngte kha -
Ka duh ber e, ka nu!
Mim ang ka pianna ram that loh vanga,
Hmatiang hun thlir, raltiang ram kai -
I thlazar hlim hnuaia awm lo i hrai riang hi maw, Nu!
Thlaler tuivalawng ang ngir hmun ka lo vai e,
Ka mamawh che, ka nu!
Mahse keimah vangin chhingmit luaithli nul a,
Zan mut chhing lo khawpin lo awm lul suh.
Hringmi pakhat ni ve tura i mi enkawl seilenna leh -
Bang lova i tawngtainate hian mi tuam reng si a,
Ka hmangaih che, ka nu!
Chutin Khuanu leng zarah nang leh kei,
Hlim leh lawma intawn leh ni kawl eng;
Lo her chhuaka hlim zai vawr hun tur,
Nghakhlel takin, beiseina nen i thlir zel ang -
Ka engkim i ni, nu!
Comments
| Date | 06/05/2011 |
| By | Erastus Ralte |
| Subject | Like it |
Uluk tak thialin, chip takin ka thial a, uluk leh fimkhur takin ka lem ta. Rilru a hriatrenga, he k thnlung phekah ka ziak ta.
Contact
Search site
NGAIHDAN
Ngotekherh Puanchei
Puandum Hmaram
THU KAM HNIH KHAT
TLAWHTUTE
MIZO LEH ENGLISH THUFIAHNA
