KAN MIZO HNAM A LO DIN CHHUAH NAN FIMKHUR A TUL TA!!!

14/02/2010 01:44

-Naupang Ninhleia

Hringnun nghawngkawl bata Zo Kal Siam kawng chhuk chho kan zawh meknaah hian , kan hun-tawngin min phut angin, Mizo ten kan ram leh hnam a lo din chhuahna turin tih ngei ngei tur mawhphurhna kan nei ta niin a lang...Mizo ni si, Mizova lungawi lo niawm tak thangthar an lo chhuak tan ta te hian a tilang chiang hle awm e.Chuvangin kan Mizo hnam hmangaihtuten thiehtawp chhuha tan kan lak a hun tawh tak zet.Chuti chuan Mizote hi he khawvelah "Mizo Takin" kan lo ding chhuak ngei ang.

1.Kan Mizonaah chian tlat
2.Mizo ziarang bo lo tura chhawm nun
3.Kan tawng humhalh that a, tihchangtlun deuh deuh
4.Kan Mizo hnam khawvel ruala tlan ve thei tura tan lak

Mizo hnahthlakte kan insuihkhawm hi a tha a, a tul a.Tin,tuna insuihkhawm la duh rih lo leh Mizo do tlattu Mizo chi peng thenkhatte hi zawi zawia an in hmuhchhuah beisei bawk ila.Chutih lai karah chuan kan hnama kan chian tlat a, min tichhe thei laka kan inven thiam ve tlat a tul a. Mizote inpumkhatna ti-chhe thei , kan Mizona min tibuai thei chu a tul phawt chuan , a tul dan azirin, kan hnam lo dinchhuah nan , Mizo takin kan beih a hun ta.Chu chu kan huntawngah kan hnam hian min phut a ni.

Mizo hmasawnna dal leh Mizo do tlattute lakah kan fimkhur thiam a tul ta!!!

Back