Khampat Bungpui Zara Pipu Pathum Ruk Bo A Ni

03/03/2011 01:44

Tunhnai mai khan Zofate history-a hmun pawimawh, Khampat Bungpui zara Pipu pathum siam chu mi tu tih hriat lohvin an ru bo a, a latu te hi tun thlengin tu nge an ni tih chiang taka hriat la ni lo mahse, rinhleh erawh an neih thu kan palai Pu Zohera, Khampat 2 ami chuan a sawi.

Heng pipu 3 te hi Mizoram unaute leh khaw chhung mi tlawmngaitena Bungpui tlawhtute chawlh hahdamna leh intihhlimna tura siam niin, heng Pipu pathum te hi Bungpui zarah thir hrui lian tawk tak nena thlunzawm a ni."Nikum thal khan pipu thlunzawmtu thir hrui thenkhat hi tihchah (khawih chingpen) a lo ni tawh a, mahse kan zawm tha leh mai a. A hnu fur kawngchhiat hunlai, tlawhtu awm mumal loh hun lai takah a thir hrui bakah a thutna chawpin a bo vek a ni" tiin kan palai chuan a sawi. A sawi zel danin, nikum kum tir lama tuilianin Bungpui kotlang a hrut chhe mai lo tura JCB hmanga tui luan kawng an laih thar chu an beisei ang taka a awm avanga a lawmthu sawiin, tunah hian luia tui tam zawk chuan Bungpui lam pan tawh lova tui kawng thar lam a zawh tak zel thu Pu Zohera Khampat 2 ami chuan a sawi.