Luah Loh Lungdi/Ka Rawn Fang Leh - H.Lalchawimawii (Editor Hla Thlan)
05/03/2011 02:51
Ka rawn fang leh hmana kan tuanna tlang,
Tuahpui leh Vau an vul leh ta;
Kan suli hnu khuarei an chang zo ta,
Hring leh thar hnahnem te’n lo bawm.
Thunawn:
Tawnmang em ni Lunglem ka nei lo,
Ka hawi vela ka tawng si lo;
Zunleng erawh a cham tanglaiah,
Luah loh lungdi, nghilhni awm lo.
Hmanah chuanin a bahsam thlah mawiah,
Ka thliah senhri, nauban a tawn;
Tunah erawh vul leh sangthing lerah,
Thliah loh te’n par vul ta’ng a ti.
Tawnmang si lo maw kei zawng ka ring lo,
Ami tawnah zamual i liam;
Kumtluang kha chen kha sul ang ka zui sa,
Heti maia ka then tur hi.
Tawnmang lama kan zalna run dang lo,
Hai ang thangin suihlunglam vai;
Ka chul ruai ruai kan zalna laikhum hi,
Ka chawi lai puan mai a lo ni.
Comments
No comments found.
Contact
Search site
NGAIHDAN
Ngotekherh Puanchei
Puandum Hmaram
THU KAM HNIH KHAT
TLAWHTUTE
MIZO LEH ENGLISH THUFIAHNA
