Mipa Dik Takin Hmeichhia An Lei Ngai Lo (Real Men Don't Buy Girls)

Khawvelah tun hma zawng aiin sal/bawih an pung chak nasa hle. Mipa, hmeichhia leh naupang tam takte chu mipat hmeichhiatna, mipat hmeichhiatna kungkaih video leh thlalak siamna, hna thawh luihtir leh leiba rulh theih loh vanga bawih nihna salah an tang mek a ni.

Mi maktaduai 12(12 millions)-te chu sal dinhmunah an la ding reng a, chung zinga maktaduai 2 vel chu kum tling lo naupang, khawvel pum huap mipat hmeichhiat nawm chenna sumdawnna-ah zawrh leh lei an ni. America ramah kum tling lo naupang 100,000 – 300,000 velte chu mipat hmeichhiat nawm chenna hmanrua atana zawrh leh lei an ni. He’ng kum tling lo naupang zingah hian kum 13-a upa an tam ber a, kum 11 mi lek lek pawh an awm nual!

Hmeichhiat mipat nawmchenna hmanga sumdawnna hi a hlawk chho tial tial a, mipate lahin khawvel hmun hrang hrangah kalin hmeichhe naupang lei tur an zawng kual reng bawk a ni.

I Hre Ngai Em?

·        Khawvel mi maktaduai 12.3(12.3 millions) velte chu sal/bawih dinhmunah tunah hian an la ding mek.

·        Kum 1862 khan President Abraham Lincoln-a chuan sal chhuah zalenna thu a tichhuak tawh a, nimahsela vawiin thlengin America ramah sal nihna dinhmuna ding mi maktaduai khat chuang an la awm.

·        Kum tling lo naupang maktaduai hnih vel chu mipat hmeichhiat nawm chenna sumdawnna-ah zawrh leh lei-in an nun a vir kual vel mek.

·        America rama mipat hmeichhiatna sala tang kum tling lo naupangte hi a tlangpuiin kum 13-a upa an ni hlawm.

·        Khawlvel puma mipat hmeichhiat nawmchenna hmanga sumdawngtute hian kum tinin $32 billion vel an hlep (profit).

·        Minutes 10 apiangin hmeichhia a nih loh leh, kum tling lo naupang pakhat zel chu America-ah hna thawh luihtir an ni.

Mipa Dik Takin Hmeichhia An Lei Ngai Lo (Real Men Don't Buy Girls)

The Demi and Ashton Foundation, or DNA Foundation hi khawvel sal leh mipat hmeichhiatna do kawnga hmalakna atana din a ni a, "Mipa Dik Takin Hmeichhia An Lei Ngai Lo (Real Men Don't Buy Girls)" campaign hi khawvel mi lar tak takten an zawm ve mek.

Website: https://demiandashton.org/

Facebook: https://www.facebook.com/dnafoundation