MIZO MIZONA HUMHALH

Phekpui>Mipate Hi Khawvel Boruak Tichhe Nasa Zawktu An Ni (Pollution Is a Masculine Noun)

Mipate Hi Khawvel Boruak Tichhe Nasa Zawktu An Ni (Pollution Is a Masculine Noun)

23/02/2011 00:26

France's National Institute of Statistics and Economics zirchiangtuten ni 14 February 2011-a an thuchhuahah, hmeichhia aiin mipa chu khawvel boruak tibawlhhlawh nasa zawktu a nih thu an tarlang!

Hmeichhiate aiin mipate chu khawvel boruak tibawlhhlawh nasa zawktu an nih thu hi, August 2009 khan Annika Carlsson-Kanyama-Sweden leh Riita Räty-Finland tangkawp zirchiangtu mi thiamte chuan an lo tarlang tawh bawk. Tun tuma zirchiangtu France mi thiamte hian, chawlhrualin ni khatah France hmeichhe pakhatin carbon dioxide(CO2) 32.3 kilograms a siam chhuak a, mipa erawh chuan 39.3 kg a siam chhuak bik thung, tih an hmuchhuak.

Zirchiangtu mi thiamte hian Europe ram hrang hranga mipa leh hmeichhiate an zirchiang a, an zirna ram apiangah hmeichhia aiin mipa chuan khawvel boruak a tibawlhhlawh nasat zawk thu hmuhchhuah a ni. Mipa chuan phone a hmang tam zawk a, lir-thei a hmang ngunin a hmang rei zawk a, a vak tam zawk a, sa a ei tam zawk a, ruihtheih thil a ti nasa zawk a, a inren lo zawk bawk. He’ngte leh thil dangte avang hian mipa chuan khawvel boruak tichhetu carbon dioxide a siamchhuak tam zawk a ni.

Mizo zingah teh hian tunge khawvel tichhe nasa zawktu ni ang le?

Back

Comments

Date	22/02/2011
By	Ruata
Subject	Comment

Ti zawng hian ngaihtuh ve thung ta ila. Boruak chhe mek zel venna leh siamthatna lama thawhhlawk zawkah hian mipa leh hmeichhia hi buk ve leh ta thung ila. Tu nge boruak chhe zel tur venga tha leh ngaihtuahna thawh hlawk zawk hi zir chiang leh ta sela, mipa tho hi a hmu sang kan nih leh mai ka ring.