MIZO BIBLE!

Revd Chuau\huama 
 

   Kohhran Pate zînga mi Athanasius-a’n Bible-a pawm tùr lehkhabu a lo sawi chhuah kum (CE 367) a\anga chhûta kum 1530 vêlah Mizoten Bible bu \henkhat, Thuthlung Thar bu thum – Luka, Johana leh Tirhkohte Thiltih kan lo nei ve \an a. Chûngte pawh chu kan missionary hmasaten Mizo \awng zir chawpa an buatsaih, \awngkam thûah pawh la famkim tâwk lo tak a ni. Mizo \awnga Bible lehlin chanchin hi Rev.Dr.Zairema’n kimchang takin a lo ziak tawh a.¹ Ani hi Mizo Bible lehlin thawh khatnaah pawh tel ve hman, thawh hnihnaah phei chuan a  khaipa ber a nih avàngin a hre ber tùra ngaih a ni. Rev.V.Lalzawnga pawhin Mizo Bible lehlin chungchâng hi a ziak tawh bawk a.² Ani chuan chhim lam (Baptist) chan leh hmär lam (Presbyterian) chante pawh chiang taka a ziak lan bâkah Bible-a lehkhabu mal letlingtute hming pawh a târ lang thliah bawk a. Chuta \ang chuan ‘hemi bu hi chu mi lehlin chu a ni’ tih leh ‘hemi bu hi hmàr lam lehlin’ tih emaw ‘chhim lam lehlin’ tih emaw a hriat theih tlângpui a. Chu chuan \awngkam hman thûah eng emaw deuh a lo awm pawhin ‘hei chu chumi lam chhuak \awngkam chu a ni ang’ tiin ngaihdàn a siam theih a ni.  
 

      Rev.V.Lalzawnga ziak dân chuan chhim lam lehlinte chu- Genesis, Exodus, Leviticus, Numbers, Deuteronomy, Josua, Rorêltute, Ruthi, I&II Samuela, I&II Lalte, I&II Chronciles, Ezra, Nehemia, Estheri, Sam, Thufingte leh Isaia bâkah Thuthlung Thar lehkhabu zawng zawng 27 a ni a, a vaiin bu 47 a ni.³ Hmär lam lehlin chu chhim lam lehlin aiin a tlêm zâwk daih a; chûngte chu-Joba, Thuhriltu, Hlate Hla, Jeremia, |ah Hla, Ezekiela, Daniela, Hosea, Josela, Amosa, Obadia, Jona, Mika, Nahuma, Habakuka, Zephania, Hagaia, Zakaria, Malakia te a ni a, a vaiin bu 19 a ni. Chhim lam hian chanchin ziakna (historical books) an vaihma deuh vek a. Hmâr lam erawh chuan zàwlnei lehkhabute (prophetical books) an tum thung a ni.  
 

      Rev.Zairema lehkhabu leh Rev.V.Lalzawnga lehkhabu a\anga a lan dànin Mizo Bible lehlinnaa inhnamhnawih zawng zawngte chu mi  61 lai a ni a.  Bible lehlin hnaa telte pawh hmär lam aiin chhim lam mi an tam zâwk bawk. Chûng mite chu – Rev.J.H.Lorrain (Pu Buanga), Rev.F.W.Savidge (Sâp Upa), Rev.H.W.Carter (Zochhäwni Pa), Rev.F.J. Raper (Zomuani Pa), Rev.Zathanga, Rev.Haudãla, Rev.Chuautera, Rev.Khawnghînga, Rev.Challiana, Pu Dârrüma, Pu Dârchhûnga,⁴ Rev.W.A.R.Wenger (Zomawii Pa),⁵ Pu Thâla, Pi Zirtîri,  Rev.Zathanga, Rev.C.L.Hminga, Rev.H.S.Luaia an ni a. Bible pum lehlin \hat hnua tel tharte chu- Rev.K.T. Chungnunga, Pu Khuanga, Upa K.L.Vànngaia, Rev.Läma, Upa R.T.Bawia, Rev.Râltäwnga, Rev.H. Chalbuanga, Rev. Sängchema, Dr. Lianhnûni te an ni.  
 

      Hmâr lam mi Bible lehlin hnaa tel zawng zawngte chu – Rev.D.E.Jones (Pu Zosâphluia), Rev.Edwin Rowlands (Pu Zosâpthara), Rev.F.J.Sandy (Pu Dia), Dr. Fraser, Rev. E.L.Mendus (Pu Mena),  Rev.Samuel Davies (Zosiami Pa), Rev. B.E. Jones, Rev.J.M.Lloyd (Zohmangaihi Pa), Suaka, Thangphunga, R.Dâla, Pu Chhunrüma, Pu Vànchhûnga, Pu Thanga (Thangthûra), Rev.Chhuahkhama, Rev.Liangkhaia, Rev.Saiaithanga, Rev. Thanga, Pu Müka, Pu Pasena, Pu Vänchuanga, Rev.Zairema te an ni a. Bible lehlin \um hnihnaah chuan Rev.Lal Ngûrauva, Rev.C. Pazâwna, Rev.V.L.Zaithanga, Rev. Lalbiaktluanga, Rev.Lalsâwma, Rev.Thansiama, Rev.Lalchhuanliana, Rev.Ronghînga, Rev.Z.T. Sângkhûma, Rev. Zaihmingthanga, Rev. Lalthanga,  Rev.Lalrüma te an ni.⁶ 
 

      Hêng letlingtute bâkah hian lehlin \um hnihna Mizo \awng kalhmang uluk taka lo en tùrin Pu C.Saizâwna, Upa Chawngzîka leh Pi Thankhûmi te hman a ni a. Anni bâkah pawh hian Pu Hrânghrima (Lunglei) chuan ngaihdàn a thawh \ha hle niin Rev.Zairema chuan a sawi.⁷ Bible lehlin thawh hnihnaah chuan an lehlin tawh sa kha kohhran pâwl hrang hrang hnênah thawnin a \ha lo an tih lai sawi tùrin sâwm an ni a. Chûngho bâkah chuan mi mal pariatin lo en ve an dîl bawk.⁸ 
 

      Mizo Bible lehlinna inhnamhnawih zîngah hian hmeichhe hming pahnih chauh a lang a; chûngte chu letlingtu zînga hming lo lang ve Dr.Lianhnûni leh Mizo \awng kalhmang lo entute zînga pakhat Pi Thankhûmi te an ni. Mizo Bible letlingtute chu an pa \helh \hawlh hlawm hle a ni! Letlingtute zînga hming lo lang tam tak, a bîkin hmär lama mite phei hi chu chuti takin lehlin hnaah hian an inhmang nasa vak lo a nih hmèl hle. 
 

      Mizo Bible an lehlin \an lai khân English Bible Revised Version (1885) chu a chhuahna a la rei lo va, Revised Version chu kum 1611-a chhuak Authorised Version (King James Version an tih tâk bawk) ennawnna a ni a. A hun lai kha chuan rintlâk bera ngaih a ni. Mahse Revised Version buatsaih laia Hebrew Bible leh Greek Bible an neihte kha a lo \ha tâwk lo va; a hnûah Hebrew Bible leh Greek Bible hlui zâwk leh rintlâk zâwk hmuh chhuah belh a nih avàngin Revised Version behchhana Mizo Bible lehlin kha duh thu a sãm tâwk lo deuh tih chu phat rual a ni lo. Mizo Bible letling hmasatute khân Revised Version bâkah \awng bula ziak Hebrew Bible leh Greek Bible \awng pawh an râwn tel ve ngei tih chu a hriat theih a. |awng bul lamin an lehlin dàn a kaihruai tih hriat theihna pakhat chauh han târ chhuak ila. Mt.11:19, “Nimahsela, a thiltihten Fingi an thiam e” (Wisdom is justified by her deeds) tih hi Grik \awng mai ni lo, Hebrai ngaihtuahna kalhmang zuia lehlin a ni a. Hebrai \awngah chuan engkim mai hi a nu leh a paah an \hen vek a. Finna kan tih (Heb. µokmâ) pawh a nu (feminine gender) a ni a. Chuvàngin hemi thu lehlin nân hian, Hebrai ngaihtuahna zuiin finna chu hmeichhia-ah chantîr (personified) a ni. Tùnlai \hangtharte chuan lehlin hlui zâwk hi an hrethiam tawh mang lo; chuvàngin lehlin tharah, “Pathian finzia chu a thiltihah a lang a ni” tih a ni a, a awmzia a chiang nghâl kuar mai! 
 

      Mizo \awng hman dàn chungchângah a letlingtute awmna lam zia phawk chhuak a awm nual niin a lang bawk. Kan awmna bial azirin kan \awng hman dàn a danglam deuh thei tih chu tlâng hriat a ni. Rev.Challiana (C.S.Murray) chuan, “Keini lam hian Lushei \awng kan hmang a, hmär lam sáwn Mizo \awng an hmang a ni e” tiin an Sam lehlin an khaikhin lai chanchin thu a sawi a ni, tih hi a langsär ang reng hle.⁹ Hemi avàng hi a ni ang em \awngkam \henkhat hriatthiam dàn inang lo a awm thei bawk. Pakhat chauh han târ lang ila. ‘Hluihlãwn’ tih emaw ‘hluihlãwn thil’ tih emaw hi chanchin ziakna bu (historical books) lamah a lang zing hle a. Chanchin ziakna bu zawng hi chhim lam lehlin a nih kha. Hmär lamin ‘hluihlãwn’ kan hriatthiam dän chu ‘hmanna tùr a awm tawh loh avànga dah mai mai, chhawr leh tum hran tawh lëm loh, hman zêl loh tùra dah’ tihna lam a ni a. Thil kan hluihlãwn tawh chu a \ha pâwl ni lovin a \ha tawh lo lam, hman tlâk vak tawh loh a kâwk deuh bawk a ni. Mahse Mizo Bible (Thuthlung Hlui)-a hluihlãwn tih lo langte chu Pathian tâna dah hran, serh hran, mihringin a hmanpui thiang lo lam kâwk a ni zêl si. Chuvàngin chhim lamin hluihlãwn an hriatthiam dàn leh hmär lamin kan hriatthiam dàn hi a inang lo deuh a ni lo maw? 
 

      Mihring hming ziak dàn hi ngaihtuah chian ngai tak a ni àwm e. Mizo (Lusei) hmingah chuan a tâwpah ‘a’ leh ‘i’ kan dahin mipa nge hmeichhia tih kan hre thei nghâl mai a. Israel-te hming hi a tlângpuiah chuan a tâwpah ‘â’ (ah) a awmin hmeichhe hming a ni. Zipori ti-a kan dah chu anni chuan Zipporah an ti a, Zeruii kan tih chu anni chuan Zeruiah an ti. Hêng hmingahte hian a tâwpa ‘h’ hi lam rik loh tùr a ni. Mizo Bible letlingtute’n \awng bul lam an zui kan tih rualin Hebrai hming kalhmang an hriat loh väng nge, hmun tam takah Zeruii tih tùr kha Zeruia an ti tlat mai a (cf. I Sam. 26:6; II Sam.2:13,18; 3:39; 8:16; 14:1; 16:9,10; 17:25; 18:2; 19:21,22; 21:17; 23:18,27). II Sam.17:25-ah chauh hian Zeruii tih a ni a; hetah hi chuan ‘Joaba nu’ tih a tel avàng hian hmeichhe hming a nihna hi a letlingtu hian a man chhuak a ni ang. I Lalte bûah chuan Zeruii tih vek a ni a (I Lal.1:7; 2:5,22). I Chronicles bûah erawh chuan Zeruii tih (I Chr.2:16; 18:12,15; 27:24) leh Zeruia (I Chr. 11:6,11:39; 26:29) tih a inzât thuak a ni.¹⁰ Lehlin tharah erawh chuan an rawn tidik kim lek lek a. An tihdik tâk loh ber chu II Sam.23:37-ah hian ‘Zeruii fapa Joaba râlthuam kengtu Beerot mi Naharai’ tih tùrah ‘Joaba râlthuam kengtu Beerot mi Naharaia’ tih chauh a lo lang ta a; Joaba kha Zeruii fapa a nih thu ziak lai hi an hmaih ta a ni. 
 

      Mihring hming emaw ram hming emaw ziak dànah Mizo Bible hian Hebrai Bible emaw Grik Bible emaw a zui thui hle. Mi tam takin English Bible a\angin an teh \hin a. Mizo Bible lehlin dàn chîk taka lo chhui \hin J.F.Laldailova ngei pawh khân English Bible a\anga tehin Jakoba tih leh Aigupta tihte hi a hrethiam mang lo. English Bible-ah Jakoba tih hi James tih ni mah se, a \obul lam kan en erawh chuan Yaçqo¯ tih a ni a, Grik \awngin Iakobos an lo ti leh lehchhâwng a; chuvàngin Jakoba tih hi a sual hran lo. Kum zabi 17 hma lam zawng kha chuan Europe-ah I leh J hi an neih hran loh avàngin an hmang kawp mai a ni. Aigupta tih erawh chu Grik \awnga an ziak dàn zui a ni a; Hebrai \awngah chuan MiŒraim tih a ni daih a. Anmahni \awng erawh chuan  Hi-ku-Ptah tih a ni.¹¹ Hei hi Grik \awnga a hming an lâkna a nih a rinawm. 
 

      Mihring hming chhiar dànah hian chhim lam leh hmàr lam chhiar dàn a danglam nual mai. Hmàr lamin Joba (Job-a) kan tih mai hi chhim lamin ‘Jo-ba’ an tih a, a tâwpa ‘a’ hi Mizo mipa hming tâwpa ‘a’ angin an lam ri ve lo. A tu-ate pawhin kan tih \hin dàn, Mizo hming ziak dàn anga ziak si, lam dik tâwk loh, kan bänsan theih tawh si loh kan nei nual. Davida chu ‘David-a’ ti mai lovin ‘Da-vi-da’ kan ti a. Chutiang chu eng emaw zât a awm. Kan fate hmingah kan phuah erawh chuan ‘David-a’ kan ti awlsam leh êt si!.  
 

      Hebrai hawrawp tlukpui hi English hawrawp emaw Mizo hawrawp emawa ziak chhuah dâwnin a tlukpui chiah chiah a awm theih loh châng a awm. Chuvàngin a teuh ber angin an dah leh mai \hin a. Entîrna atân- Hebrai v tlukpui chu technical transliteration dàn ang chuan Š leh š tih tùr a ni a. Mahse English Bible-ah sh ti-a an lo dah avàngin chutiang chu kan chhawm nual a ni. ‘Hani’ tih chu English Bible-ah Hannah tih a ni a, a tâwpa ‘h’ hi lam rîk tel loh tùr kan tih kha; Hebrai \awng tlukpui dik taka kan dah dâwn chuan a bul ¶ hnuaiah hian chhun han (dot) a awm tùr a ni a; chu chu ‘h’ pângngai anga ri lovin ‘kh’ ang deuhva lam rîk tùr a ni. Chumi kalhmang ang deuh bawk chuan ‘th’ tih tam tak hi ‘h’ tel lova ziak mai theih a ni. ‘Beth-lehem’ tih pawh a nihna takah chuan ‘Be¬-leµem’ tih tùr a ni ang. Keini chuan English Bible zuiin kan ti-Bethlehem ta daih mai. 
 

      Mizo Bible lehlin hmasa leh lehlin thar hi hming ziak dànah a inpersan ta lutuk deuh hi a pawi ang reng hle. A bîk takin lehlin hluia ‘ph’ hmanna apiangah ‘f’ hman a ni ta a. A rîk dänah chuan kan buai chuang lo a ni thei e; mahse hetianga thlâkthleng hlawk ang chi hian chhiartute a tibuai thei a ni. ‘Ph’ a nih lai pawhin ‘f’ angin kan lam thiam tho zawng a nih kha maw! Pharaoa tih pawh kan lam ‘p’ chuang lo, ‘f’ angin kan lam tho. Thil pakhat han zep lawk ila. Lehlin thar leh lehlin hluia hming ziak dàn inang lo chu sawi loh, Kristian Hla Bu-a ziak dàn thleng hian Bible-a ziak dàn hian kaihruai sela, a \hain a rinawm. Mizo Bible hman laiah chuan ‘Pharaoa’ tih a nih laiin Kristian Hla Bu-ah chuan ‘Farawa tih a ni a; Bible lehlin tharah phei chuan ‘Faroa’ tih a ni ta. Chutiang deuh bawkin lehlin hluiah chuan ‘Kanaan’ tih a ni a; lehlin tharah leh Kristian Hla Bu-ah erawh chuan ‘Kanan’ tih a ni ta. Hebrai \awnga ziak dàn kan en chuan ‘Kanaan’ tih chu a pâwl zâwk. 
 

      |awng rêng rêng hi \awng chhuah nân taka kan hman (spoken language) leh ziak nâna kan hman (written language) hi a kalhmang a dang deuh \hin. Kan \awng hi chuan kan rilru-a lo lang zuiin kan sawi chhuak mawlh mawlh a. Chutiang chiaha ziaka kan dah chuan chhiar a nuam lo va; chuvàngin ziak chhuah a nih chuan \awngkam indawt dàn tùr dik zawn a ngai. Chuti a nih loh chuan kan thu ziak khân awmze dang daih pawh a nei thei a ni. Entîrna pakhat han târ chhuak ila. “Mi hausa Pathian rama luh aiin sanghâwngsei hriau benga luh tlang a awl zâwk” (Mt.19:24) tih hi chhiar ringawt chuan a mâm ang reng khawp mai. Mahse hetiang taka indawta dah hi chuan a awmzia a danglam thei a ni ang, mi tam takin ‘sanghâwngsei hriau’ awmin an sawi phah a ni. Mahse he thu hian ‘sanghâwngsei hriau’ awm lam a sawi lo. Mi hausa tâna Pathian ram luh harsatzia a sawi tumna lamah tehkhin nân hriau benga sanghâwngsei luh tlang harsatzia a sawi mai a ni. Chuvàngin lehlin tharah chuan, “Pathian rama mi hausa an luh aiin hriau benga sanghâwngsei luh tlang a awl zâwk’ tih a ni ta zâwk.  
 

      Kan Bible hman laiah hian a awmze phawk chhuak tùra lehlin (dynamic equivalent translation) pawh a awm nual a. Nova lawng fâr hnaia chär tùr tih pawh kha Mizo hriatthiam theih dàn tùr zâwnga an lehlin a ni (Gen.6:14). ‘Fâr hnai’ hi hmànlai chuan Mizovin an thil hriat ban ber a ni âwm e; ke khi chär nân pawh an hmang an ti. Lehlin tharah ‘alkatra’ tih a ni a, kan ngeih leh mang lo. Alkatra chu mi dumho nèn kan hmehbel vàng em ni ang? Hebrai Bible kan en chuan ‘far hnai’ ni lovin ‘alkatra’ a kâwk zâwk tlat si! Chutiang  bawkin ‘lawng hnai’ tih pawh ‘alkatra’ tih a dik zâwk.  
 

      Lehlin tharah hian \hangtharte hriatthiam theih tùr zâwng zawn a ni a. “Miin khäwnvär hãlin hrai hnuaiah an dah ngai lo” (Mt.5:15) tih pawhin tùnlai thangthar zîngah ‘hrai’ hre lo an tam tawh êm avàngin “Miin khäwnvär an chhit chu khovin an khuh ngai lo” tih a ni. Mahse hei hi pawh a chiang lo leh \an tawh; tùnlai \hangthar tam takin ‘kho’ pawh an hre leh tawh mang lo. Kan Bible hman laiah Juda-te kalhlên kûta an thil ei pakhat chu ‘hnim kha’ tih a ni a (Exod.12:8). Lehlin thar erawh chuan Mizovin hnim kha kan ei \hin pakhat hming rawn thur chhuakin ‘lambak’ tih hman a ni a. Mahse thangthar tam tak zîngah ‘lambak’ tih ai chuan ‘hnim kha’ tih kha a chiang zâwkin a rinawm. Israel-te ei kha keini ‘lambak’ tih hi a ni tak tak bawk si lo! 
 

      Thil pakhat thuthlung bâwm chungchâng lo lang kha han ûmzui ve leh ila. Kan Bible hman laiah chuan thuthlung bâwmna zàwnna tùr khân ‘kháng’ pali chhün tùr tih a ni a. Mizovin ‘kháng’ kan tih rêng rêng hi chu bûr cherna a ni \hin. Saum bûr kan cher a, chutah chuan a kháng kan vuah \hin. Chutiang bawkin tuithãwl kan cher a, kháng kan siam bawk. Kháng hi thil zawn theihna tùra siam a ni ngai lo. Chuvàngin thuthlung bâwm zäwnna tùr hi ‘kháng’ ni lovin a ‘beng’ tih tùr a ni a; chutiang tak chuan lehlin tharah an rawn tidik ta a, a làwmawm khawp mai. 
 

      Mizo Bible lehlin \um hnihnaa inhnialna pakhat chu Israel-te Pathian hming YAHWEH ziak dàn tùr chungchàngah a ni. He hming hi English Bible lamah LORD tiin an lo dah \hin a. Chumi zui chuan Mizo Bible-ah pawh Thuthlung Hluiah chuan LALPA tih vek a ni. Amaherawhchu, chutih lai chuan a bul chauh hawrawppuia ziak ‘Lalpa’ tih hi Pathian kâwka hman a ni \ho va. Thuthlung Tharah phei chuan Thuthlung Hluia ‘LALPA’ tih kha Septuagint-ah kurios tih a nih avàngin ‘Lalpa’ tih vek a ni ta. Mizo Bible letling \hatute chuan LALPA tih aiah IAHUA tih an duh deuh a ni. Hemi chungchâng Rev.Dr.Zairema ziak chu kei pawhin ka lo thlîr ve a. Mahse he thil ngaihtuah tùra kal khâwm chu an hmin zo lo a ni ang, Synod Executive Committee chuan IAHUA hman rawtna chu a hnâwl a; chutiang bawkin Baptist Executive Committee pawhin a hnâwl ve leh ta bawk a ni.  
 

      Ngaihtuah chian deuh chu a \ûl khawp mai. LALPA tih hi YAWEH lehlinna chu ni chiah lo mah se, hming hi lehlin chi a ni em tih pawh ngaihtuah tel a ngai àwm e. Roman Catholic mi thiamte hi an huaisen fâl deuh a ni ang. Jerusalem Bible-ah khân Hebrai \awnga YAHWEH  awmna lai zawngah khân ‘Yahweh’ tiin a bul bâk hawrawppui pawh hmang chuang lovin an dah mai a; chutiang bawk chuan The New Jerusalem Bible-ah pawh ‘Yahweh’ an ti leh mai bawk a ni. 
 

      Lehlin tharah ka rîlrem loh tak pakhat chu ‘Sipaihote LALPA’ tih zawng zawng kha ‘Engkim LALPA’ an ti ta mai hi a ni. Juda-te ngaihtuahnaah chuan Pathian chu indo \hin angin an ngai a; chuvàngin sipai pawh nei tùrah an ngai a ni. Pathian sipaite chu vàna miho zawng zawng, ni leh thla leh arsite thlengin huam vekah an ngai. An indo nikhuaa an chak chuan ‘Kan Pathian a chak’ an ti \hin. Chutiang ngaihtuahna khawvêla chêng chu an nih avàngin an Pathian, indo \hin Pathian anga an ngaih chu ‘Sipaihote LALPA’ tih hi a inhmeh êm êm a. ‘Engkim LALPA’ tih hian a ropui belhchhah chuang lo va, Juda-te ngaihdàn nèn a inpersan zâwk a ni. 
 

      Kum 2005-ah khân Fundamental Baptist-ho buatsaih Thuthlung Thar lehlin thar chu a lo chhuak a. A letlingtute hi eng ang taka \awng bul lam thiam nge an nih kan hre lo. Bible hman lai kan neih a\anga \awngkam indawt dàn fel tâwk lo lai tam tak chu indawt dàn dik deuh zâwkin an dah. Mite inhnialna \hin thu pakhat, “Hei hi ka taksa, in aia pêk tùra chu a ni; mi hriat reng nân hei hi ti \hïn rawh u” (Lk.22:19) tih chu, “Hei hi ka taksa, in tâna pêk chu a ni. Mi hriat reng nân hei hi lo ti rawh u” tiin an dah a. Lehlin hmasaa ‘ti \hin rawh u’ kha ‘lo ti rawh u’ tih an duh tâwk mai hi eng nge a chhan ni ang? He thu hi present imperative a nih avàngin Greek Grammar kalhmangah chuan vawi khaat tiha duh tâwk mai tùr ni lo, tihnawn fo tùr a kâwk si.¹²  Mizo \awng inzawm leh zawm loh tùr chungchângah he lehlin hi a buan hle, phêk tinah hian dik tâwk lo eng emaw zât a awm zêl; chuvangin entawn tlâk a ni lo. Letling tih hming pu ve hrim hrim tùra Bible lehlin hi kan chîng palh ang tih a hlauhawm deuh. 
 
 

      Mizote hi Bible Society of India (BSI)-ah hian kum tam tak chu thawhlàwm thawh \ha ber pâwl kan ni tawh a. Chuti chung chuan Mizo Bible erawh chu kan la nei kimchang lo hle si hi thil mak a nih bákah a lungäwithlák loh hle a ni. Tün ang hunah chuan Mizo Bible bu kim chi hrang hrang lian deuh te, a laihãwl te, tê deuh (pocket edition) te pawh neih tawh àwm tak a ni a. Mahse kan thawhlàwm thawh nëna khaikhinin Mizo Bible erawh chu kan la nei \ha lo hle. Rualawh a na mang e! 
 

      Tùn hnaiah Sâp\awng Study Bible pakhat rinchhana buatsaih Mizo Study Bible tihchhuah a ni a; mahse duhthu a sãm lo hle. A thuhmahruai a\angin Mizo \awng ziak dàn dik lo a tam êm êm nghâl ringawt mai a. Thil mak tak pakhat chu he Mizo Study Bible hi Sâp\awng Study Bible pakhat a\anga lehlin a ni a; mahse thuhmahruaiah tak ngial pawh khawi a\anga lehlin nge tih a chuang lo! A letlingtute kutkawih liau liau anga ngaih mai theih tùrin lehlin a nihna hi sawi lan miah loh a ni.