Bullet Proof Car atan hian Mitsubishi Pajero, Japan siam cheng nuai 20 senga lei a ni a, a khawl hrang hrang thiat darhin Madrass-ah lakluh phawt a ni a. Madrass atang hian India rama Pajero agent awmchhun Hindustan Motors, Kolkata-ah lak leh niin, silai kahtlang theih loh tura hun engemawchen siam a nih hnu-ah Defence Research and Development Organisation (DRDO) hnuaia Terminal Ballistics Research Laboratory (TBRL), Chandigarh-ah hlawhtling taka enchhin a ni.
Mizoram police hian India rama mi pawimawh tak tak - President, Prime Minister, Vice President leh a dangten Mizoram an rawn tlawh nikhua velah an sahimna atana pawimawh leh chuanna nuam ve thawkhat hman tur an mamawh hle a. Bullet Proof Ambassador Car an neih mek chu a hlui tawh bakah duhthusamin a chak tawk lo a. State dangte Bullet Proof Car hawhsakte a ngaih fo avangin engtianga neih theih nge tih zirchian a nih hnu-ah tuna Bullet Proof Car hi an lei ta a ni.
He Bullet Proof Car thar (Mitsubishi Pajero) hi a man pangngai chu cheng nuai 20 vel a ni a, India ram chhunga lakluhna leh mithiam ten silaia kahtlang theih loh tura an siamna te nen a vaia senso chu cheng nuai 46.34 niin thudawnna chuan a sawi.
Thulakna: The Zozam Times