Mizoram Journalists Association (MJA) General Hqrs. chuan vawiin (March ni 23, 2010) khan hruaitu thar thlangin, President-ah H. Zosangliana (Editor-In-Chief, Evening Post) Vice President-ah Vanlalrema Vantawl (Editor, Zalen), Treasurer-ah Zonunsanga Khiangte (Editor, Lenlaini) te thlantlin an ni.
Executive Member-ah heng mite hi thlantlin an ni bawk :-
1. Sangzuala Hmar
2. C. Lalzamlova
3. BK Renthlei
4. E. Lalhleia
5. R. Lalhmangaihzuala
6. Lalrinmawia Sailo
7. C. Lalhmachhuana
8. C. Lalduhawma
9. Lalbiakzama
10. Lalremsiama
11. Lal Rinmawia
Thulakna: https://buannel.com
Date | 23/03/2010 |
By | Editor |
Subject | The Zozam Times |
Mizoram Journalist Association General conferece vawi 37-na chu vawiin khan I & PR Auditorium-ah hman a ni a, I&PR Minister Zodintluanga chu khuallian niin Dr R. Lalthangliana MLA chu khualzahawm a ni. He conference-ah hian kum 2010-2013 hruatu tur thlan nghal niin, President atan H.Zosangliana (Evening Post) chu thlan tlin a ni. He khawmpui MJA Vice President Lalthanzama kaihhruaiah hian khuallian Zodintluanga chuan, chanchinbumite chu chi leh chi inkara buaina chhuak thai lakah fimkhur tur te, misual thenkhat thil tih a thlen changa mipuiin fuihpawrh thei zawnga thuziak palh a hlauhawm thu te sawiin, Mizoram Media te chu khawvel tukverha Mizote phochhuaktu a ni, a ti bawk.
Faina chungchangah Mizoten nasa taka hma kan sawnna chu media te vang a nih thu khuallian chuan sawiin, faina kawnga zirtirna tha thehdarh zual sauh sauh turin media te a sawm bawk.
Khualzahawm Dr R. Lalthangliana chuan, ‘Sorkar department liana official pawimawh thenkhatten media pawimawhna an la man tawko lo chuan harsatna a siam thin a ni’ tih thu a sawi bawk.
MJA President K.Sapdanga pawhin thusawiin, Mizoram sorkarin tangkai leh tha zawka hman theih tura sorakar-in Journalist Welfare Fund a siam a siam danglam ta chu lawmawm a tih thu sawiin, hetiang a nih theihna tura sulsutu I & PR Minister hlui leh thar Dr R. Lalthangliana, Zodintluanga te chu fakawm a tih thu a sawi.
Journalist zingah puchuam-te laka hamthatna beisei vanga news reporting tih danglam ching an awm zauh thin chu pawi a tih thu a sawiin ruihtheih thil lakah pawh media mite chu insum a pawimawh thu a sawi bawk a ni.
He conference-ah hian thu ngaihtuah tur (agenda) 12 lut zingah pakua pawm a ni a, heng zingah hian Mizoram Journalist te pualin Union Budget leh State budget zirhona Mizoram sorkar/ MJA in buatsaih rawh se tih te, Sorkarin Accredited Journalist te tana hamthatna a siam chu a taka kalpui turin department hrang hrangte chiang zawka hriattir turin sorkar ngen ni rawh se tih te, sorkar department hrang hrangin advertisement atana pawisa an neih te District/Division office-ah a tam thei ang ber pe ve rawh se tih te a tel a ni.
He conference-ah hian resolution pahnih pass a ni a, thawhhona tha zawk a awm theih nan MJA Gen. Hqrs in Performance & Activities Quarterly Returns siam rawh se tih leh MJA in a ngenna anga Mizoram sorkar-in Journalist Welfare Fund hman theihna huang a zauh ta leh a taka hman thuai theih nana chak taka hmalakna kalpui a ni chu lawmawm an tih thu te an tarlang a ni.
MJA General Secretary Zonunsanga Khiangte chuan kum 2009-2010 chhunga MJA hmalak-na hrang hrang report a pe a, Tresurer C. Lalzamlova’n financial report a pe bawk a ni.
================
MJA GEN. HQRS. OFFICE?BEARER?THLAN?THAR?TE: (L-R) TREASURER: Zonunsanga Khiangte (Lenlaini), VICE?PRESIDENT : Vanlalrema Vantawl (Zalen), PRESIDENT : H.Zosangliana (Evening Post).
EXECUTIVE?MEMBER THLAN?CHHUAHTE :?C.Lalzamlova (Chhawrpial), Sangzuala Hmar (Lunglen), Lalrinmawia Sailo (Zoram Thlirtu) R. Lalhmangaihzuala (Romei/ Hnehtu) C. Lalhmachhuana (Youth Herald), C. Lalduhawma (Chibai Mizoram, LPS), Lalrinmawia (Vanglaini) Lalremsiama (Morning Post) Lalbiakzama (Entlang), BK Renthlei (LPS Vison), E. Lalhleia (Aizawl/ Observer).
Mizoram Infromation Service Association in inthlan hi kaihruaiin, David L.Thangliana, Dy. Director, I&PR chu Returning Officer a ni a, vote 214 awmah vote 184 a tla a ni.