Nizan Dar 9:20 khan Mualcheng South-a Lianchhunga (76) S/o Siamliana (L) In a kang a, In neitupa Lianchhunga leh a fanu Chhuansangi (25) chu an kang hlum.
He In hi Assam Type a ni a, 42 x 37 a zau a ni a, khawtlang mipuiten an hriat hian chhanchhuah hna engmah thawh hman a ni tawh lo niin thudawnna chuan a sawi. He thil thleng a hmuna thli-thlaia kal sawrkar aiawh Lunglei DC Office atangin SDC R.Vanrengpuia chuan In kan chhan hi mei tihmih loh, Mawmbaiti tih mih loh leh Electric Short vang te nia rin a nih laiin engmah fiahna a awm lo,’ a ti.SDC bakah hian Lunglei Police leh Civil Hospital Doctor te an phei bawk.
Lianchhunga leh a nupui Zalawmi te hian fa mipa 6 leh hmeichhia 1 an nei a, an fate 4 hi Thingfalah inhlawhfain an kal a, In lamah an nupa leh an fate Chhuansangi, Remruatdika (12) leh Vanlalzawna te an awm a, zan dar 9:20 a an In a kan hian nu ber leh an fapa pahnih Vanlalzawna leh Remruatdika te hi tlanchhuak hmanin tlanchhuak ve hman lo Lianchhunga leh Chhuans^ngi te hi a kang hlum ta a ni. Remruatdika hian hliam a tuar nual hman a, Civil Hospital-ah dah luh a ni.
An taksa a kang chhe nasa hl a, hmuh tlak a awm mang lo niin an sawi.In kang hlut zawng hi Rs.2,45,000 vel anga chhut a ni.
Kang hlumte hi vawiin khan Lunglei Civil Hospital-ah Postmortem an ni a, tlaiah vuiliam nghal an ni.
Lunglei DC chuan chhiat tawkte tanpuina hnatlang thawh nan Rs.2,000 a pe a, Mitthi leh In chhia tanpuina chu la ngaihtuah leh a tum bawk niin SDC R.Vanrengpuia chuan kan palai a hrilh.
Copyright @ Vulmawi Daily - Lunglei