Ngunhleikham, 45, Falam, Myanmar chu kum 2009 August thlaa North Vanlaiphai khuaa hmeichhe naupang pahnih khuaikhem avangin naupang pakhatah hian hrehawmtaka kum 3, pakhatah hrehawmtaka kum hnih lung in tang turin hrem a ni a, mahse, heng hremna hi a kaldun ang. Cheng 500 chawi tura tih a ni bawk a, chawi tur a neih loh chuan ni 15 lung in tanin a tlak thei ang.
Ngunhleikham-an hmeichhe naupang a khuaikhemte hi kum 14 leh 11 an ni a, an pahnihin ama in luahah kolutin an kut phuarsakin an ka puanin a hnawhsak a,an kekawr leh kekawrte phelhsakin pakhat chu banah a phurbet a, pakhat chu khumah a mut a. An mit a hrensak (blindfold) a.A zahmawh chuan heng naupang zahmawhah a nawktir vel a ni. Hetiang hnuah hian pakhat Rs.10 a pe a, pakhat Rs.50 a pe a.A upa zawk hi chuan a pawngsual niin a sawi a. Mahse, anmahni examtu doctor chuan an hamda (hymen) chu a chhe lo (intact) a ti a ni. Ngunhleikham hian heng naupangte hnute leh an zahmawhte chu a khawihsak tih chua pha lo.
Hetiang hi thil hmuh chhuah leh awm dan a ni a, Addl.District & Sessions Judge Pi Lucy Lalrinthari chuan heng naupang pahnihte lakah hian Ngunhleikham hian 376/511 IPC leh 354 IPC a bawhchhia tiin thiam loh a chantir a. Hremna chungchangah Ngunhleikham hian anmahni pawngsual tumna a nei lo tiin zahngaihna a dil a.Mahese, amah khingtu ukilte chuan naupang pakhat chu a thianghlimna (modesty) a tihchhiatsak mai ni loin pawngsual a tum a ni tiin dan anga hremna na thei ber pek ni se tiin court chu an ngen a. Judge chuan hmeichhe pakhat chu pawngsual a tum a, pakhat chu a modesty a tihchhiatsak a ni tiin pakhatah kum 3, pakhatah kum 2 lung ina hrehawmtaka tang turin a hrem ta a ni.
Thulakna: Mizo Aw