New York Khawpui Raipuar Za-a Sawmli Pakhat (41%)-in Nau Titla

12/01/2011 17:48

America khawpui New York hrilselna atana hmala pawl (health department )-in New York khawpui hmeichhe raipuar za-a sawmli pakhat (41% ) chuan nau an tihtlak thu a tarlang!

Kum 2009 khan New York khawpui raipuar 87,273-in nau an titla a, chumi awmzia chu khawpui chhunga raipuar 41%-in nau an titla tihna a ni. Kum 2009 New York mi (New Yorker ) nau tihtlak zat hi kum 10 kaltaa nau an tihtlak zat ai a tlem zawk thung! The New York Times-in a tarlan danin, kum 2000 khan mi 94,466-in nau an titla a, kum 1998 khan raipuar 46%-in nau tihtlak a nih thu ABC News chuan a tarlang.

New York khawpui chhunga sakhaw hrang hrang hruaitute, sorkar pawl te, tlawmngai pawl te leh mi thahnemngaiten hetianga nau tihtlak tam lutuk chhan hi tihtlem dan ngaihtuahin, hma an la mek. Tun hnai khan NYC41PERCENT.COM website pawh din nghal a ni a, Facebook-ah pawh “41 Percent NYC ” page siam nghal a ni.

Back