Nghing Lo Tawnchhawn
11/01/2011 23:55
-J.Lalhmangaihzuala
Saisen tet zual lai sawi lohva lum hiam,
Tual ka chaipui leh thingnawi ka fawmpui,
Ai-hnah ka phahpui, ka rual duh hlim hliam,
A sakhming leh phungzia inchawih ropui!
Hnawl thian loh KHUAREL a chang ve hner hnur,
Di zun leh fam ngaih na-lamin maw le!
Lungngaih bilhpuan erawh a thul khung zur,
Sappui duh thlan HLIMNA a chang zawk e!
Finthuril lam ni se dai thuk lo mi,
A nun faktlak erawh ka hril dawn e,
Tichhe thei thil laka him pial fan hi!
KHUANU-FA-CHUAMA ka ti ber thlawt e...
Zir sang se zawng a hmun luah tur khi-ah khi-ah,
NGHING LO TAWNCHHAWN khiman a mawi hliah hliah.
(Shakespearean Sonnet, Rhyme scheme: abad, cdcd, efef, gg)
(Zawlkin Huiva 2002-2003)
Comments
No comments found.
Contact
Search site
NGAIHDAN
Ngotekherh Puanchei
Puandum Hmaram
THU KAM HNIH KHAT
TLAWHTUTE
MIZO LEH ENGLISH THUFIAHNA
