A rei ve leh ta – ka tleirawl chhuah hlimin, tum khat chu ka zan leng haw, ka chhungte hnenah, “Nupui ka nei dawn...” ka ti ngawt a. Ka chhungte chuan, “Nang tehlul hian engtin nge i chawm ang a? Nupui neih te chu a sawiin la sawi ri suh...” tiin min zilh. Tichuan, ka chhungte hnenah chuan, “Nupui chawm te chu a harsa vak hlei nem – kan chhum thin zata no khat thlak belh kha a ni mai a...” ka ti hram.
Hunin kum tam a liampui a, ka lo upa ta deuh a, thiante nupui fanau nei nun leh khawsak tam tak ka hmu. Berhchep tak tak, chhangchhe fe fe, thaibawih ngut ngut, rethei em em, buai vut vut, rilru hah lutuk,...adt. ka hmu tam tual tual a, nupui neih a, chhungkaw din awlai lohizia ka hre ta! Tunah hian ka chhungten, “Nupui nei tawh rawh...” min ti a, min nawr sek a. Mahse,...mahse, ka ngaihtuah ka ngaihtuah, ka ngaihtuah thui deuh deuh a, nupui neih chu ka chak lo-in, ka hreh tual tual tawh. Heti taka min nawr nasat avang hian, a chang chuan hetiang hian ka chhang mai thin, “Nupui ka nei dawn ka tih lai khan neih in phal lo vei rawka, tunah nei turin min nawr leh si...” tiin.
Heiha, huiha!!! Heti taka nupui nei tura min tur nasat takah chuan, kei hian “Nupui Ka La Nei Dawn Khawp E – Ka Mumangah!!!”
Date | 12/07/2011 |
By | Mizolanu |
Subject | Nupui/Psal neih |
Ha,,haaaaa
Dik rengs!Nupui/Pasal Neih hmat aiin neih tlai hian pawina anei lo
an tia lawmle! :D
A neitawhte sawi dan takin.....lolzzz