Zingah Pa aiin Nu a tho hma zawk thin tih chu kan hre theuh awm e.
Harvard Medical School-a zirchiangtu Jeanne Duffy-a kaihhruai zirchiangtu pawl chuan ‘Pa aia Nu a thawh hmat chhan’ hriat tumin hmeichhia (nu) 52 leh mipa (pa) 105 te chu zirchianna pindanah chawlhkar 6 chhung an zir a, mipa aiin hmeichhia chu an mu hma a, an mu tlem zawk bawk a ni, tih an hmu chhuak.
Zirchianna kaihruaitu Jeanne Duffy-a chuan, “Hmeichhia chu mipa aiin minute 6-in a mu tlem zawk a ni. Hei hi mihringin a tih leh tih loh vang lam ni lovin, hmeichhia leh mipa nihphung – hormone atanga awm a ni. Tichuan, a tlangpui thuin hmeichhia chu a muhil hma zawk a, zing pawh darkar chanve velin a tho hma zawk thin a ni,” a ti. Tin, hmeichhia chu mut theih lohna insomnia leh rilru hahna dang avang tein a tho hma thin bawk niin zirchiangtute chuan an sawi.
Kimchang zawkin hetah: - https://www.foxnews.com/health/2011/05/13/mom-wakes-dad/