Pi Pu Chhuahtlang - H.Lalchawimawii
Pi Pu Chhuahtlang – H.Lalchawimawii
Phuahtu – Liandala
Uploaded by zotuithiang on Mar 12, 2011
Pipu chhuahtlang hlui a mawi mang e,
Thar khaw chhuahtlangah dawnlung an rem;
Sehran sahrang lu a tlar bung e,
Thanlai siamtu mihrangleng fam awih nan.
Thingte talhkuang chawm iang an khawng ri,
Kulva mei changsei bel lian an tar;
Mangpuan an zar dawnlung tlaitlanah,
Zawh zazopa thanlai puan diartial nen.
Lengin chhawng an hnawt, chun, hraileng nen,
Sa leh buhchangrum, bawartui nen;
Zua tin an hlim vangkhawpui an lawm,
Tlaini nem duai lenkawl thiang karah hian.
Tlaini tla sensiar sul lo an hmuak,
Hrai tin an ngir e dai lungrawnah;
Chun an haw, zua haw, zaleng an haw,
Sultum chalngeng hnutianga’n sul an haw.
Pipu chhuahtlang hlui hi thlir ve u!
Thuvate, lailen tluanglam zawhna;
Changsial an ngir dai phulleng an mawi,
Sawmfang lawr tur tuan rel an her liamna.
Category:
Tags:
Comments
Contact
Search site
NGAIHDAN
Ngotekherh Puanchei
Puandum Hmaram
THU KAM HNIH KHAT
TLAWHTUTE
MIZO LEH ENGLISH THUFIAHNA
