15.2.10 - Nimin tlai khan Champhai SP Pu C. Lalthanmawia chuan Champhai District MJA te chawhlui a kilpui a, Champhai khawtlang tana hmalakna tura an ngaih pawimawhte huam zau takin an sawiho.
He inkawmhonaah hian thupui bik neia thil sawiho a awm lova, Champhai District boruak thil chi hrang hrang an sawiho a ni. Burma sumdawnna chungchang an sawihonaah sumdawng bungrua, Mizorama lo lut te hi Danlova lolut a ni a, Nodal Department Customs in an dhu chuan a vaiin an man vek thei a, mahse inhriatthiamna-in danlovin pawisa an laksak thin a,Police leh Assam Rifles tepawhin an man thei vek a,mahse CHamphai mipui dinhmun leh tun hma tanga thil lokalpui tawh dan thlirin 'Dan lo ani' tih vanga Dan lekkawh kher hi a tha ber lova, in hriatthiamna in heng bungrua te hi lakluh thin a ni ,a ti a. tun hnaia 4th Assam RIfles hotupa Pu Ankur Kumar a inrawlh thuk viau anga sawi awm pawh hitha an tih loh thuan sawi lang bawk.
Burma sumdawnna zarzotu chungchang an sawihonaah, a taka a zar zotu chu Burma atanga rawn chhuk, Champhaia awmhmun khuar nghetta te anni tlangpui a,Motor neitu tlem in a phurh man ah a zar an zo bawka, Champhaimipuiah a zar zo an tlem tak avangin tunhma angin Burma sumdawnna hi Champhai mipuiah a tla na lova, engang pawhin thuneitu ten hma la mahse tunhma angin mipuiin an beng khawn tawh lo nia an hriat thu an sawi bawk.
Tuipui Lei chungchang an sawihonaah BRTF ten March thlaah lei chhuat an dawh zawh theih an beisei thutarlan a ni a, Police ten Tuipui CHeck Gate-ah Burma sumdawng bungrua phur Motor atanga pawisa an la lak zel thu te, Tuipui khua-in Mutia man an lak sang an ti lutuk lehhei hi siamthat ni thei se an duh thu te an sawibawk a ni. SP chuan hemi chungchang enfiah tur hian nimina SDPO-a tirh thuleh vawiinah amah ngei AIzawl-ahkalin a enfiah nghal tur thua sawi nghal bawk a ni. Inkawmhona tha tak an neih hnuah puar takin chawhlui an kil ho zui a ni.
Thulakna : www.champhai.net