Tual kan lenna Tlangnuam a mual dum dur,
Hei ngei hi a ni, chunglam Pathian chawi;
An awm nem le, a par tlan zingah lungzur;
Chengrang dawtah hawihte’n parmawi an khawi.
Sirvate’n zai sa-in a tlang an mawi,
Chungleng, hnuaileng, khuarel nungcha tinreng,
Lungrualte’n an leng hmun e, leng an awi,
Khual leh tual, lal leh sal leh, riang leh reng.
A angchhungah chiarnghianin tual an leng,
Tlangrawnah tlawmngaih siahthing a thuam lii liai,
Zonun thliah lohte’n a par vul chhing chheng,
Chul hnu Eden zunleng a zam chii chiai.
Hei ang suihlungdum khua awm ang maw e,
Chatuan leh ni khat chen ka nuam mang e.
Thulakna: Chawlhna Tuikam
Date | 13/09/2011 |
By | L.T. Khuma Gangte |
Subject | Tlangnuam hi ? |
Tlangnuam hi Thingsul thliah ami, Tlangnuam khua kha a ni ang em aw? 1997 atrang a 2000 thlenga chhingkhual val changa katual chhai ve na vangkhua anih chu le. A chhung a lenrual duh zawngte kha, chun leh zua chang in, athen fam vangkhua an lawi ve tawh ngei anga. Dawn chang hian lung aleng duh thrin mang e.