Phawthira leh Hrangchala'n mikei / keimi laka Kungawrhi an chhanchhuah khan, an hawn kawngah Khuavang lamthuamah an riak a.Zanah Khuavang hovin " Tunge ka lamthuama riak ? " an rawn tih khan , Phawthira chuan "Keimah Phawthira leh Hrangchala....." a lo ti a, a chhandanah chuan a huaisen tih an hria a, " Huai aw, huai aw" tiin an tlanchhe dem dem ta a. Phawthira muthlih hlana Khuavang hovin " Tunge ka lamthuama riak ?" an rawn tih leh khan, Hrangchala'n hlau leh khur chunga a lo chhan avangin "Dawi aw, dawi aw" tiin an rawn pan hnai a, Kungawrhi chu an laksak ta daih a nih kha !
Kan hun-tawng hian Mizote hi "Tunge ka lamthuama riak ?" tiin min zawt ve ta e. Engtin nge kan chhan ve tak ang le? Phawthira angin huaisen takin nge,Hrangchala angin tap tiau chungin? "A ruh no no chhuakah" tia au vak vak kan hun-tawngah hi Phawthira anga huaisen taka
chhang let thei tur chuan mahni inrinna nei tura engkim kan zir a, kan beih fan fan a tul ta.Chutih loh zawngin kan ding chhuak hauh lovang.
Chule..., a rawn ti leh ta - Tunge Ka Lamthuama Riak?