Valentine's Day Pualin Lunglei-ah Thisen Pek Runpui,Mi 117-in Thisen Pe

Feb 14, Valentines Day denchhen khan MJA Lunglei leh Civil Hospital Blood Bank hotute buatsaihin mi mangangte tan Thisen pek runpui buatsaih a ni a, mi 117 zetin Thisen an pe a, Thisen pe zingah Celebrities 6, Super Model 1 leh MJA 1 an tel.

Thisen pek hma hian inkhawm tawite buatsaih a ni a, MJA President K.Lalrinpuia`n kaihruaiin, Thisen pek hi midangte tanpuina a nih bakah a Pathian thu em em a ni,’ a ti.

Dr.Zoliansanga Blood Bank Officer chuan, ‘Thisen pek hi a pawimawh em em a, vawiin Valentines Day-a mi mangangte tana penchhuak hetiang zat in awm hi a lawmawm takzet a, Pathianin mal a sawm ngei che u ka ring a ni,’ a ti a, Lunglei District-a Thisen pe tam ber  H.Lalthlamuana, Technician 2nd.Bn.MAP pawhin a vawi 39-na atana a pe leh tur hi a lawmawm hle a ni,’ a ti a, nitin Thisen Unit 7 vel mamawh reng kan ni a, 2010 April-2010 Dec. chhungin Thisen pek tum 25 a awm a, hemi chhung hian Thisen Unit 1859 zet kan hmangral a ni,’ a ti.

Dr.K.Lalsanga Medical Supt. pawhin thusawiin, ‘Thisen pek hi mizote hian kan tih em em a, hetihlai a, vawiina mi heti zozai Thisen pe tura in lo kal hi a lawmawm takzet a ni,’ a ti.

Dr.K.Lalsanga chuan, ‘Midang tana Thisen kan pek hi hriselna hlohna a ni tia inzirtirna hi a dik lo va, mihring hian Thisen hi kan pek chhuah fo hi a pawi lo mai ni lo vin a tha zawk em em a, chuvang chuan Thi-sen kan pek hian keimahni tan bakah midang tan thil tha kan ti bawk tih hria a, kan pek zel hi a pawimawh em em a ni,,’ a ti.

AVBD GS D.Lalbiakmawia chuan NGO leh mimal Thisen pe \hin an awm thin avanga a lawmthu leh Valentines Day puala MJA te hmalakna chu fakawm a tih thu a sawi.

Tlai dar 3:00 pelh hnu thleng khan Thisen hi an pe a, Thisen petu zawng zawng hi hmeichhia 42 leh mipa 75, an vaiin mi 117 an ni.

Lunglei Civil Hospital-a Valentines Day denchhena Thisen pe 117 zingah Zaithiam mi 6 an tel a, chungte chu Henry B. Lalrindika, Bethsy Lalrinsangi, TBC Zaithanpuia, Pensy B.Lalthangliani, CR. Laldingliani, F.Laldinmawii te an ni a, Lalropuii chu a BP a san avangin a pe thei lova, Lunglei DC pawhin pek a tum nain a BP a san avangin a pe thei lo bawk. 

Model zingah Zothansangi Bazarin a pe a, MJA member a\angin Lalremruata Zadengin a pe.Virthli aiawhin Laldina`n a pe bawk.

Vengchhung leh midang thisen petu- Bazar Veng  7,  Chanmari-13, Zobawk  1, Serkawn 2, Salem 3, Ramthar 6, Rahsiveng 5, Venglai 12, Sethlun 3, MST Office 1, Farm Veng 2. Pukpui 3, Zohnuai 3, Polytechnic Boys Hosteller 11, Electric Veng-6, Venghlun-2, Theiriat-3, Lunglawn-1, Hrangchalkawn-1, NSL-5, Zotlang 1, College Veng-1, Aizawl Mualpui-1, Aizawl Tuikhuahtlang-1, Aizawl Nursery-1, Mandisora-1, Chawngte-3, Jamersury-1, S.Vanlaiphai-1,  Hnahthial-1, N.Serchhip-1, Saiha-1, Bungkawn Tlang Veng 1, Chawnpui Aizawl-1, Lawngtlai 1,  Sumsuih 1,  Gola-sury 1, Republic Venghlun Aizawl-1,  Mualthuam-1, Bilkhawthlir Kualmawi-1, Mission Vengthlang - 1, Vathuampui 2.

Copyright @ Lunglei Daily News - Vulmawi