MIZO MIZONA HUMHALH

Phekpui>World Press Photo of the Year 2010 atan Thlalak Hmuhnawm Loh Jodi Bieber-i lak Bibi Sisha-i Thlalak

World Press Photo of the Year 2010 atan Thlalak Hmuhnawm Loh Jodi Bieber-i lak Bibi Sisha-i Thlalak

13/02/2011 00:57

Ni 11 February 2011 : South African photographer Jodi Bieber-i lak thlalak, August 2010 TIME Magazine cover a tarlan – kum 18 mi Bibi Aisha-i thlalak chu World Press Photo of the Year 2010 atan thlan a ni.

Jury chair of the 2011 World Press Photo contest David Burnett-a chuan, “Thlalak en nuam tak zawng a ni lo chiang mai. Mahse, en nawn fo a, ngaihtuah nawn fo ngai thlalak a ni. Thlalak en nuam tak ni lo mah se, thla latu thawk tha tak tak tan chuan he’ng thlalakte hi lak a tul a ni...” a ti.

Thla latu Jodi Bieber-i lak – Bibi Aisha-i thlalak hi – Afghanistan Oruzgan biala khawsa, kum 18 mi Bibi Aisha-i’n tihduhdanna tuar zo lova a pasal in chhuahsan a, a chhungte ina a haw avanga Taliban-hoin a ina an va luh khung a, an man a, hremna atan a pasalin a beng leh a hnar a hlehsak thlalak a ni. He thlalakah hian Bibi Aisha-i hnar hek hmuh nuam lo leh rilru khawih zet a lang a ni.

Taliban-hovin a hnar leh beng an hlehsak hnu-in, tlawmngai pawl leh U.S. sipaiten Bibi Aisha-i hi an tanpui a, Kabul atangin U.S.-ah lak luh a ni a, a hnar leh a beng pawh siamsakin uluk taka enkawl zui a ni a, rilru lam doctor ten a rilru hlauhthawnna leh natna thawidam tumin an enkawl mek bawk.

Back