Hman lai hian, an hmelma lian ber zawhte seh laka inven dan tur ngaihtuahin chaichimho an inhmu khawm a. Tihdan tur dang dang an sawiho a, an zinga (chaichim)tleirawl pakhat chuan, “Kan hmelma zawhte laka inven dan tha ber chu – a lo kal hriat theih nana thi awrhtir hi a ni. Thi kan awrhtir chuan a lo kal kan hre thei ang a, tichuan kan lo biruk-san vek thin thei tawh dawn a ni,” tiin a rawt ta a. Kal khawm zawng zawng chuan tha an ti a, zawhte thi awrhtir tur chuan an rel a, rel tha an inti hle. Mahse an tin dawn chuan chaichim putar pakhat hian, “A nih leh zawhte thi awrhtir chu tha in ti hle a, kei pawhin tha ka ti a. Zawhte chu tu nge thi awrhtir ta ang?” tiin a’n zawt mauh mai a, an bangbo leh ta hle...
Thulakna: Æsop (Sixth century B.C.) Fables - The Harvard Classics. 1909–14. “Belling the Cat”