Chapchar Kut 2010 Programme Committee chuan kumin 2010 Chapchar Kut ni 11-12/2/2010 a neih turah programme a tel tur an duang chhuak. Kut Pa atan Pu Lal Thanhawla, Chief Minister niin, Pu P.C.Zoram Sangliana, Art & Culture Minister chu thlengtu a ni ang.
Hawnna rimawi Salvation Army Band Party ten an nei anga, hunserh, Bishop Stephen Rotluanga’n a hmang anga, Kut hawnna hlado MCO ten an chham ang.
Heng bakah hian Khatla YMA Zaipawl, Cheraw kanpui Branch YMA atangin, Tlanglam nen an hmuhtir anga, Chawnghnawh, Art & Culture Department, Khuangchawi, MCO Gen. Hqrs., Mizopa lo number pawh Thangkura leh
Tuarpuiin an entir ang, zaithiam hrang hrang an zai anga, Group zai, Beat Group te a awm anga, Mizo lemchan,Zorimawi, Darbu tum, fiamthu leh Pawnto te hmuhtir a ni bawk ang.
No. CYMA 29/2009-2010/12 of 18.1.2010
CENTRAL YOUNG MIZO ASSOCIATION
MIZORAM : AIZAWL
To,
The President/Secretary,
___________________________________Aizawl City Branch YMA
Subject : Mass Bamboo Dance for Guinness World Record chungchang.
Thawhpui duhtak,
Central YMA hmingin chibai ka buk a che.
Mizoram Sorkar huaihawtin ni 12.3.2010 (Thawhlehni), 2:00 p.m. hian A.R.Lammual leh Vanapa Hall - Bazar Bungkawn kawngpui dungah khawvel mit hmuha Mizote lanna tur ‘Mass Bamboo Dance for Guinness World Record’ neih tur a ni a, he hunah hian lo tel ngei turin kan inngen a ni e.Bu khat hi mi 16 (mipa 8 leh hmeichhia 8) zel tur a ni a, kum 12 aia naupang lo an ni tur a ni. Thiam sa lem lo pawhin zir chawpa World Record siam tumnaah hian tel ve ngei an duh dawna a lan avangin Cheraw hi kantluang lam step har zual (Buh chil) tel lova kan tur a ni e.(Hei vang hian tuna tihdan pangngai hi tihdanglam hlen tur tihna a ni lo).A hranpain lawmman inpek ani dawn lova, mimal tinah Certificate inpek a ni thung ang. A tel tur te chu an hming leh nu/pa hming chiang taka tarlangin January, 2010 aia tlai lovah Central YMA Office-ah in report nise. Branch khat atangin Cheraw bu a tam thei ang ber a tel theih bawk e. Thawmhnaw hi Guiness World Record ho duhdanin Mizo incheina chi hrang hrang- Puanchei, Pawndum, Ngotekherh, Hmaram etc. ni thei se a lawmawm hle ang..
I thawhpui,
( VANLALRUATA )
Asst. Secretary,
Central YMA.
Thulakna:https://www..mizoram.gov.in