Ram hnuaiah sakei(keite) 3,200 vel chauh a awm tawh a,humhalh that a nih loh chuan sakei chi hi mang thei mai dinhmuna a din thu khawvel nungchate humhalhtu pawl (World Wildlife Fund) chuan a sawi.Tunah sakei 3,200 vel ram hnuaiah an awm a, chu chu America ram chhunga an khawi (hren beh) sakei zat aiin a tlem tawh zawk tihna a ni!
Sakei chi zingah chi thum chu a mang tawh ngai a,tin China chhim lam Sakei chi khat pawh kum 25 kalta atang khan ram hnuaiah hmuh leh a ni ngai tawh lo bawk.Sakeite hi humhalh that an nih loh chuan thangtharte hmuh ve lohah an chang mai thei.
World Wildlife Fund chuan theihtawp chhuahin Sakei chi humhalh beihpui thlak hna a thawk mek.A bik takin sakeiin harsatna an thawh nasatna he'ng hmun leh ramah te hian beihpui an thlak dawn - Bangladesh, China, Europe, India, Indonesia, Nepal, Russia, the United States, Vietnam, leh the Greater Mekong region(Cambodia,China,Laos,Myanmar,Thailand,Vietnam ram tea inpharh tuipui).He'ng kan tarlan tak hmun leh ramah te hian kum zabi 20 tir lam khan sakei 100,000 vel a awm nia hriat a ni.
Thulakna: CNN