India leh Burma zawha Mizo hnahthlakte chen tamna ber Malaysia-ah Mizo Kut zinga ngaihhlut hlawh ber – Chapchar Kut hmang turin, Malaysia Mizote an inpuahchah mup mup ta. Mizo Christian Fellowship(MCF), Chapchar Kut rorel pawl chuan, hnam ni ve tura Khuanu’n min lo duan Mizo hnam nunphung leh ziarang hriatrengna, pholanna leh inzirna hun tangkai atan, he Kut hi hman a nih theih nan theihtawp chhuahin hma a la mek. Malaysia-a a vawi khatna tur Chapchar Kut hi ni 27 March, 2011 – KLBC, Malaysia ah hmang tura rel fel tawh a ni a, tel turin Mizo zawng zawng sawm an ni.
“Mizo Kutpui kan che dawn e,
Thlang tlak bang lo Zofa lengten;
Rawn chhim ve r’u rualduhte u-
Zo kawtchhuah a Chapchar Kut hi.”