MIZO MIZONA HUMHALH

MIZO HNAM DOTUTE CHU A TUL ANGIN SORKAR-IN A BEI ZEL DAWN : HOME MINISTER

27/01/2010 07:16

Kum 2010 chhunga YMA kumpuan, 'Khawtlang Nun Siamthat' tih chu nimin khan Vanapa Hall-ah Home Minister R Lalzirliana'n a hawng. Home Minister chuan, mi thenkhatin sorkar chu sawiselin hêk mah se, hnam himna atan a tul anga thâ an thawh zel tur thu sawiin, "Kan limte hial hâl mah se, kan tawlh dawn lo," a ti.

YMA kumpuan hawnna inkhawm hi Central YMA President, Lalchungnunga'n a kaihruai a, Home Minister chuan, sorkarin hnam himna atan theihtawp a chhuah zel dawn tih a sawi a, "Mi thenkhatin min sawiselin min hêk mah se, hnam himna atan sorkarin a tul angin thâ a thawh zel ang," a ti.

R Lalzirliana chuan, Mizoram Bru Displaced People Forum (MBDPF) General Secretary man a nih chungchangah, hnam hruaitu inti ve si, mi tualthihnaa inhnamhnawih an awm chu pawi a tih thu a sawi a, "President an ni emaw, General Secretary an ni emaw, kan hnam tihchhiat tumtute chu kan man zel ang. Kan dîm dawn lo tih hi mi dangte pawhin hria se ka duh," a ti. Hel zingah duhsak bik leh hleih an neih loh thu leh, a tul chuan eng hel pawh sorkarin a hmachhawn zel dawn thu a sawi.

 

Home Minister R.Lalzirliana chuan, Mizo hnam dotute bei let turin sorkar chuan a tul angin tha a thawh zel dawn tih a sawi a, Tuikuk ten Zarzokima an thah chungchangah ‘Tharum chu tharum vekin’ ti zawnga a thusawi chu sawi-seltu awm mah se, Mizo hnam tan a nih chuan an sawi bang dawn lo niin a sawi bawk.

 
Vawiina YMA Kumpuan thupui hawnna-ah Home Minister chuan he thu hi sawiin, Hnam anga hruaitu intiten mi that tur emaw mi fuihpawrh zawng emaw a an che a nih chuan eng nihna chelh pawh ni sela a tul a nih chuan an chungah dan-in ro a rel zel dawn niin a sawi a, ‘Remna leh Muanna kan neih hi tuma tih chhiat kan phal lo a ni,’ a ti bawk.

R.Lalzirliana chuan, ‘Mizo nun mawi tak par ang chul hnu hi kan kaitho leh thei tih a chiang. Chu chu halpuah leh halmawi kan khap rem theih dan atang hian a lang a ni’ tia sawiin, Mizo nula leh tlangval, thian chhan thih ngam te, khaw-tlang nun siamtha tura an pen chhuah phawt chuan siam that theihloh a awm loh thu a sawi a. Thil tha tihna lama sawiselna chu insiam that nana hmang thin turin YMA member te a fuih bawk.
 
Mizoramah HIV/AIDS a pun zel thu sawiin, Home Minister chuan, Mizoramin mi ruala AIDS dona kawngah ke a pên ve tho thu a sawi rualin, "State dangah a tlakhniam zel laiin kan ramah chuan a pung zel a. MSACS hnuaia NGO-te hian AIDS hi do tak tak loin, a hmanrua sum hi kan duh zawk lutuk a ni thei em?" a ti a; "HIV hi a sum avang chauh hian kan do em ni?" tiin zawhna a siam a ni.

R Lalzirliana chuan, YMA-in kumpuan atana 'Khawtlang Nun Siamthat' an hmang chuan Mizorama khawtlang a chhiat tawhzia a lantir theih thu a sawiin, "Kan ram sual avanga tluchhe mek chhanchhuak tura thian chhan thih ngam Mizo nula leh tlangvalte'n hetianga hmalak kan tum hi a phûrawmin a thlamuanthlak tak zet a ni," a ti a. Khawtlang nun siamthat tum tur chuan, a siamthat tumtute an insiamthat hmasak a tul thu a sawi.

Home Minister chuan, Mizoram chu a thim zawnga thlir chuan a chhe ta vek emaw tih tur a nih thu a sawi rualin, a la chhe vek lo tih a sawi a, "Baal hmaa thingthi ngai lo, khawtlang nun siamthat tum thalai zingah tamtak an la awm tih han hriat hian a thlamuanthlak a ni," a ti a; tih tak zetna nena an tum ram thleng ngei turin, theihtawp chhuah turin YMA member kalkhawmte a fuih.
 
Kum 2010 YMA kumpuan hawnnaah hian thupui 'Khawtlang nun siamthat' tih hmanga CYMA Vice President, C Zoramliana leh CEC member, JH Zoremthanga te paper present an zirho a. Paper present atangin kalkhawmte'n sawihona hun an hmang nghal a ni.

 

Thulakna : http://vanglaini.org

                 http://thezozamtimes.org

Comments

No comments found.
 

Contact

Search site

 

 

 

 

                  NGAIHDAN

 

    

     Ngotekherh         Puanchei

   

        Puandum           Hmaram

 

 

 

           THU KAM HNIH KHAT


ShoutMix chat widget

 

 

                TLAWHTUTE


counter globe

 

 

  MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E