MIZO AW : MZP Gen Hqrs chuan India in Mizoram Jet Fighter hmanga a bomb champha Zoram Ni chu urhsun takin I&PR Auditorium-ah Feb. ni 5, 2010 hian a hmang leh dawn a. Hemi Ni ah hian R.Zamawia (Kum 1966, 5th March hmalama Mizoram dinhmun) leh Dr JV.Hluna (Kum 1966, 5th March hnu lama Mizoram dinhmun) te hnen atangin khatih hun laia kan ramin chhiatna a tawh dan leh a nghawng te ngaihthlak a ni ang.
MZP chuan ‘Zoram Ni’ hi zirlaite leh Zoram mipuite’n kan hriat reng theih nan leh kum 1966-a India in Zofate rawt chimit barh pawh pawi ti lova min suasam dante thangthar ten kan rilrua kan hriatreng a duh a. Hemi Ni pual hian lemziak intihsiakna (Painting Competition) zirlai naupangte tan a buatsaih dawn a, zirlai naupang zawng zawngin he intihsiakna hi ngaipawimawha tel turin MZP chuan a sawm a ni.
MZP chuan ‘Zoram Ni’ pual hian ‘Talk Show’ a buatsaih dawn bawk a. He Talk Show ah hian hemi chungchanga hriattur hrang hrang leh zawhna leh chhanna bengvar thlak tak takte ngaihthlak tur a awm ang, Zoram mipuite’n lo ngaihvena lo thlir theuh turin MZP chuan a sawm a ni.
Date | 13/02/2010 |
By | Patiphelhphawlha |
Subject | Sen Mei |
Aizawl Khawpui Sen Mei A Chan Ni Kha... Mizoram chu meipui a chang a nih khah!!!